មានសង្ឃឹមហើយ! រកឃើញទឹកលើកដំបូងបង្អស់ នៅលើភពដែលអាចឲ្យមនុស្សរស់នៅបាន

2019-09-12 02:38:03
ព័ត៌មាន

2019-09-12 02:38:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាលើកដំបូងក្នុងប្រវត្តិសាស្ត្រ ក្រុមតារាវិទូបានរកឃើញទឹកនៅក្នុងបរិយាកាសនៃភពមួយដែលមានគន្លងក្នុងតំបន់ដែលអាចឲ្យជីវិតរស់នៅបាននៃផ្កាយរបស់ខ្លួន។

យោងតាមទិនានុប្បវត្តិវិទ្យាសាស្ត្រដែលចេញផ្សាយដោយ Nature Astonomy ឲ្យដឹងថា ភព K2-18b មានសក្ដានុពលខ្ពស់សម្រាប់ការសិក្សាពីជីវិតមនុស្សក្រៅភព ហើយអាចនឹងក្លាយជាភពដែលមនុស្សរស់នៅបាននាពេលអនាគត។ អស់រយៈពេលជាង ១០ឆ្នាំមកហើយ អ្នកវិទ្យាសាស្ត្របានប្រើប្រាស់កែវយឹតសម្រាប់តាមដានភពនេះថាតើបរិយាកាសរបស់វាមានផ្ទុកឧស្ម័នដែលបញ្ចេញដោយភាវៈរស់ឬអត់។ យោងតាមសាស្ត្រាចារ្យ Giovanna Tinetti ដែលជាអ្នកដឹកនាំការស្រាវជ្រាវឲ្យដឹងថា "នេះគឺជាលើកទីមួយហើយ ដែលយើងរកឃើញទឹកនៅលើភពដែលស្ថិតក្នុងតំបន់អាចរស់នៅបាន ហើយសីតុណ្ហភាពមានសក្ដានុពលខ្ពស់សម្រាប់វត្តមាននៃជីវិត។”

គួរឲ្យដឹងថា ភព K2-18b ស្ថិតនៅចម្ងាយ ១១១ឆ្នាំពន្លឺពីភពផែនដី ដែលឆ្ងាយខ្លាំងសម្រាប់ការស៊ើបអង្កេតបន្ដ ដូច្នេះអ្នកវិទ្យាសាស្ត្រកំពុងរង់ចាំការផលិតកែវយឹតថ្មីដែលនឹងដាក់ដំណើរការក្នុងឆ្នាំ ២០២០ សម្រាប់ការសិក្សាបន្ដពីភពនេះ៕