- 2019-09-17 03:59:56
- ព័ត៌មាន
កាកសំណល់ប្លាស្ទិកនៅផែក្រុងព្រះសីហនុបានដឹកចេញទៅវិញអស់ហើយ
- 2019-09-17 03:59:56
- ចំនួនមតិ 0 | ចំនួនចែករំលែក 0
កាកសំណល់ប្លាស្ទិកនៅផែក្រុងព្រះសីហនុបានដឹកចេញទៅវិញអស់ហើយ
ចន្លោះមិនឃើញ
អគ្គនាយកដ្ឋានគយ និងរដ្ឋាករកម្ពុជាឲ្យដឹងថាសំរាមដែលលួចនាំចូលដោយខុសច្បាប់ចំនួន៨៣កុងតឺន័រមកកាន់កំពង់ផែក្រុងព្រះសីហនុកាលពីខែកក្កដានោះត្រូវបានបញ្ជូនត្រឡប់ទៅកាន់ប្រទេសដើមវិញហើយ។
ក្នុងសេចក្ដីប្រកាសព័ត៌មានមួយចុះផ្សាយកាលពីថ្ងៃទី១៦ ខែកញ្ញា ឆ្នាំ២០១៩ និងបានមកដល់ដៃអ្នកសារព័ត៌មាននៅថ្ងៃនេះ អគ្គនាយកដ្ឋានគយ និងរដ្ឋាករកម្ពុជាបញ្ជាក់ថាក្រុមហ៊ុនដែលនាំចូលសំរាមនេះបានដឹកសំរាមចេញចំនួនពីរលើកទៅកាន់ប្រទេសដើមវិញ។
អានបន្ត ដឹងច្បាស់ពីប្រភពកាកសំណល់ប្លាស្ទិកជាង៨០កុងទឺន័រនៅកំពង់ផែស្វយ័តក្រុងព្រះសីហនុ
ប្រភពខាងលើបញ្ជាក់ថាសំណល់ប្លាស្ទិកទាំងនេះត្រូវបានក្រុមហ៊ុនដឹកចេញម្ដងកាលពីថ្ងៃទី២០ ខែសីហា ឆ្នាំ២០១៩ ចំនួន១៤កុងតឺន័រ និងម្ដងទៀតនៅថ្ងៃទី១៥ ខែកញ្ញា ឆ្នាំ២០១៩ ចំនួន៦៩កុងតឺន័រ។ ប្រភពបញ្ជាក់ថាក្រុមហ៊ុនក៏បានបង់ប្រាក់ពិន័យចូលថវិការដ្ឋគ្រប់ចំនួនផងដែរ៕
