- 2019-09-18 02:37:22
- ព័ត៌មាន
អ្នកអភិរក្សសម្ដែងការខឹងសម្បារ ក្រោយត្រីឆ្លាមខៀវដ៏កម្រ ត្រូវបានសម្លាប់ក្នុងពិធីមួយ
- 2019-09-18 02:37:22
- ចំនួនមតិ 0 | ចំនួនចែករំលែក 0
អ្នកអភិរក្សសម្ដែងការខឹងសម្បារ ក្រោយត្រីឆ្លាមខៀវដ៏កម្រ ត្រូវបានសម្លាប់ក្នុងពិធីមួយ
ចន្លោះមិនឃើញ
ក្រុមអ្នកអភិរក្សសត្វសមុទ្រ បានសម្ដែងការខឹងសម្បារយ៉ាងខ្លាំងក្រោយពេលដែលសត្វត្រីឆ្លាមខៀវដ៏កម្រមួយក្បាលត្រូវបានដាក់បង្ហាញនៅពិធីបុណ្យអាហារសមុទ្រមួយនៅចក្រភពអង់គ្លេស។
យោងតាមរូបភាពដែលថតពីពិធីបុណ្យនៅក្នុងទីក្រុង Plymouth បង្ហាញថាត្រីឆ្លាមខៀវ ត្រូវបានគេលើកដង្ហែក្នុងហ្វូងមនុស្ស មុនពេលដែលវាត្រូវបានសម្លាប់និងចម្អិនជាអាហារ។ ជាមួយគ្នាដែរ រូបថតនៃត្រីឆ្លាមនេះ ក៏ត្រូវបានបង្ហោះទៅក្នុងបណ្ដាញសង្គមរបស់ទីក្រុង Plymouth ផងដែរ ប៉ុន្តែក្រោយមកក៏លុបចោលវិញ។ ចំណែកឯអ្នកនាំពាក្យទីក្រុង Plymouth បានបដិសេធថាត្រីឆ្លាមនេះ ត្រូវគេចាប់បានដោយចៃដន្យប៉ុណ្ណោះ មុនពេលដែលដាក់បង្ហាញក្នុងពិធី។
គួរឲ្យដឹងថា សត្វត្រីឆ្លាមខៀវ ត្រូវបានដាក់បញ្ចូលជាប្រភេទសត្វរងការគំរាមកំហែងនៅក្នុងបញ្ជីក្រហមរបស់សហភាពអន្ដរជាតិសម្រាប់ការអភិរក្សធម្មជាតិ ហើយជាធម្មតាសត្វនេះ រស់នៅក្នុងទឹកជ្រៅ និងផ្លាស់ទីជម្រកក្នុងចម្ងាយឆ្ងាយឆ្លងកាត់សមុទ្រក្នុងពិភពលោក៕