- 2019-10-22 08:19:52
- ព័ត៌មាន
មកមើល ទិដ្ឋភាពព្រះចៅអធិរាជជប៉ុនឡើងគ្រងរាជ្យជាផ្លូវការ តាមទំនៀមទំលាប់បុរាណ
- 2019-10-22 08:19:52
- ចំនួនមតិ 0 | ចំនួនចែករំលែក 0
មកមើល ទិដ្ឋភាពព្រះចៅអធិរាជជប៉ុនឡើងគ្រងរាជ្យជាផ្លូវការ តាមទំនៀមទំលាប់បុរាណ
ចន្លោះមិនឃើញ
ព្រះរាជពិធីឡើងគ្រងរាជ្យជាផ្លូវការរបស់ព្រះចៅអធិរាជជប៉ុន Naruhito ត្រូវបានធ្វើឡើងនៅថ្ងៃអង្គារនេះ ដែលមានការចូលរួមពីភ្ញៀវក្នុងប្រទេសជាង ២ពាន់នាក់ និងភ្ញៀវអន្ដរជាតិមកពី ១៨០ប្រទេសទៀត។ ពិធីនេះ ត្រូវបានធ្វើឡើងនៅរាជវាំងនៃទីក្រុងតូក្យូ ដោយគោរពតាមទំនៀមទំលាប់បុរាណជប៉ុន។ បើទោះបីជាអធិរាជ Naruhito បានដើរតួជាអធិរាជអស់រយៈពេលជិត ៦ ខែមកហើយក៏ដោយ ការឡើងគ្រងរាជ្យរបស់ព្រះអង្គនៅមិនទាន់ជាផ្លូវការទេ រហូតដល់បានធ្វើពិធីសាសនាជាបន្តបន្ទាប់រួមទាំងពិធីគោរពបូជាតាមបែបប្រពៃណីនៅថ្ងៃអង្គារនេះផងដែរ។ ព្រះចៅ Naruhito បានឡើងគ្រងរាជ្យកាលពីខែឧសភាកន្លងទៅ ក្រោយព្រះបិតាព្រះចៅ Akihito សម្រេចដាក់រាជ្យមុនមួយថ្ងៃ។ ការដាក់រាជ្យរបស់ព្រះចៅ Akihito គឺការដាក់រាជ្យមិនធ្លាប់មានអស់រយៈពេលជាង ២សតវត្សក្នុងប្រវត្តិសាស្ត្រប្រទេស។ គួរឲ្យដឹងដែរថា ការដាក់រាជ្យចុងក្រោយបង្អស់ ត្រូវបានធ្វើដោយព្រះចៅអធិរាជ Kōkaku ដែលស្ម័គ្រចិត្តចុះពីបល្ល័ង្កកាលពីថ្ងៃទី ៧ខែឧសភាឆ្នាំ ១៨១៧៕
ខាងក្រោមនេះ គឺជាទិដ្ឋភាពព្រះចៅអធិរាជជប៉ុនឡើងគ្រងរាជ្យជាផ្លូវការ ទាមទំនៀមទំលាប់បុរាណ ៖
