ខឹងមិត្តភ័ក្ដិថាគ្មានស្រីណាស្រលាញ់ ក៏សុំរៀបការជាមួយម្ដាយមិត្តភ័ក្ដិតែម្ដង

2019-12-02 05:10:00
ស្នេហា

2019-12-02 05:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គេថាបើឌឺដងគ្នាតិចតួចគឺសប្បាយ តែបើឌឺជ្រុលពេកគឺមិនសប្បាយឡើយ ជាក់ស្ដែងដូចជាករណីនេះជាដើម។ David Dobrik គឺជាអ្នកធ្វើវីដេអូ Youtube អាមេរិកមានវ័យទើបតែ២២ឆ្នាំ តែមានចំនួនអ្នកគាំទ្រដល់ទៅ១៥លាននាក់។ វីដេអូរបស់លោកភាគច្រើនគឺថតឡើងពីទិដ្ឋភាពកើតឡើងនៅជុំវិញលោកផ្ទាល់តែម្ដង។

រឿងហេតុដ៏ហួសចិត្តមួយបានកើតឡើង ក្រោយពេល Jason Nash មិត្តភ័ក្ដិជិតស្និទ្ធិរបស់លោកបានចំអកទៅលើលោកថា៖ យើងពិតជាមិនដឹងថាបើថ្ងៃមួយ ឯងមានប្រពន្ធនឹងទៅជាយ៉ាងណានោះទេ ព្រោះយើងជឿថាលើលោកនេះគ្មានអ្នកណាស្រលាញ់ឯងឡើយ។

ខណៈមិត្តភ័ក្ដិរូបនេះ ស្មានថានេះគ្រាន់តែជាពាក្យលេងសើចនោះ David មិនបានសប្បាយចិត្តនឹងឃ្លាខាងលើឡើយ។ ហេតុនេះហើយ ក្រោយ៣ម៉ោង លោកបានហោះទៅកាន់ទីក្រុង Boston ដើម្បីសុំម្ដាយរបស់ Jason រៀបការ។ លោកយាយជាម្ដាយនៅពេលនោះក៏មិនយល់រឿងអ្វីកំពុងកើតឡើងដូចគ្នា តែក្រោយពេលត្រូវបានមិត្តភ័ក្ដិកូនរៀបរាប់ពីការអន់ចិត្តរបស់ខ្លួន លោកយាយក៏យល់ព្រម។

បន្ទាប់មក អ្នកទាំង២ក៏រៀបការនៅទីក្រុង Las Vegas ហើយទៅក្រេបច័ន្ទទឹកឃ្មុំនៅកោះហាវ៉ៃ ហើយបើតាមច្បាប់ នៅពេលនេះមិត្តភ័ក្ដិដែលគ្មានអ្នកស្រលាញ់នេះ បានក្លាយជាឪពុករបស់ Jason ហើយ។ យ៉ាងណាក្ដី មង្គលនេះត្រូវបានម្ចាស់សាមីខ្លួនថា គ្មានសុភមង្គល ហើយពួកគេបានលែងលះក្រោយរៀបការបានត្រឹមមួយខែគត់៕

ប្រភព៖ Kenh14 ប្រែសម្រួល៖ Caramel