- 2019-12-04 07:14:14
- ព័ត៌មាន
អ្នកវិទ្យាសាស្ត្រ អះអាងថានេះជាទសវត្សក្ដៅជាងគេបំផុត មិនធ្លាប់មានពីមុនមក
- 2019-12-04 07:14:14
- ចំនួនមតិ 0 | ចំនួនចែករំលែក 0
អ្នកវិទ្យាសាស្ត្រ អះអាងថានេះជាទសវត្សក្ដៅជាងគេបំផុត មិនធ្លាប់មានពីមុនមក
ចន្លោះមិនឃើញ
មនុស្សជាតិ កំពុងតស៊ូដើម្បីទប់ទល់នឹងការប្រែប្រួលអាកាសធាតុ ហើយការកើនឡើងកំដៅខ្លាំងចាប់ផ្ដើមធ្វើឲ្យសមត្ថភាពក្នុងការសម្របខ្លួនរបស់យើង កាន់តែធ្លាក់ចុះបន្ដិចម្ដងៗ។
យោងតាមរបាយការណ៍ពីអង្គការឧតុនិយមពិភពលោក (WMO) ឲ្យដឹងថា ចាប់តាំងពីឆ្នាំ ២០១០ រហូតដល់ឆ្នាំ ២០១៩ គឺជាអំឡុងពេលដែលមានសីតុណ្ហភាពក្ដៅបំផុតប្រចាំទសវត្សដែលមិនធ្លាប់មានក្នុងកំណត់ត្រាប្រវត្តិសាស្ត្រ។ WMO ក៏បានព្រមានថាឧស្ម័នផ្ទះកញ្ចក់ និងសីតុណ្ហភាពឡើងខ្ពស់បណ្ដាលមកពីអត្រាការកើនឡើងនៃកម្ពស់ទឹកសមុទ្រដែលរលាយដោយសារទឹកកក ហើយបង្កើតជារលកទឹកជំនន់ធំៗ។ បន្ថែមពីនេះ របាយការណ៍ឲ្យដឹងថាប្រជាជនជាង ១០ លាននាក់ត្រូវបានផ្លាស់ប្តូរទីលំនៅនៅក្នុងឆមាសទី ១ នៃឆ្នាំ ២០១៩ ខណៈដែល ៧ លាននាក់ផ្សេងទៀត រងផលប៉ះពាល់ដោយផ្ទាល់ដោយសារតែបម្រែបម្រួលអាកាសធាតុដូចជាភ្លើងឆេះព្រៃ, ខ្យល់ព្យុះ និងទឹកជំនន់ជាដើម។
ចំណែកឯយោងតាមគំរូវិទ្យាសាស្ត្រ ឲ្យដឹងថាសីតុណ្ហភាពក្នុងឆ្នាំនេះ បានឡើងដល់កម្រិត ១,១ អង្សាសេដែលជាឆ្នាំក្តៅបំផុតជាប់ៗគ្នា។ របាយការណ៍នេះ ត្រូវបានចេញផ្សាយនៅក្នុងសន្និសីទស្តីពីការប្រែប្រួលអាកាសធាតុរបស់អង្គការសហប្រជាជាតិនៅឆ្នាំនេះក្នុងទីក្រុងម៉ាឌ្រីត ហើយអាកាសធាតុកាន់តែក្ដៅខ្លាំងឡើងៗ ពីមួយទសវត្សទៅមួយទសវត្ស។
គួរបញ្ជាក់ដែរថា កាលពីខែតុលាកន្លងទៅ កម្រិតទឹកសមុទ្រជាសកល បានឡើងដល់កម្រិតខ្ពស់បំផុតដោយសារតែទឹកកកចំនួន ៣២៩ពាន់លានតោនបានរលាយនៅ Greenland ក្នុងរយៈពេលត្រឹមតែ ១២ខែប៉ុណ្ណោះ៕