៣ចំណុចសម្រាប់ប្រធានផ្នែកធនធានមនុស្ស ក្នុងការរក្សាបុគ្គលិកឱ្យនៅបានយូរ ក្នុងទីផ្សារប្រកួតប្រជែង

2019-12-23 09:52:22
ព័ត៌មាន

2019-12-23 09:52:22
ចំនួនមតិ 0 | ចំនួនចែករំលែក 0

ចន្លោះមិនឃើញ

បុគ្គលិក នឹងធ្វើការយូរអង្វែងនៅក្នុងក្រុមហ៊ុនដែលផ្តល់ភាពរីករាយ និងការគាំទ្រដល់ពួកគេ។

ក្រុមហ៊ុនវៃឆ្លាត បានដឹងថាចំណុចនេះ គឺសំខាន់ណាស់ក្នុងការទទួលបាននូវបុគ្គលិកដ៏ល្អបំផុត និងរក្សាកម្លាំងចិត្តរបស់ពួកគេ។ និយោជកជាន់ខ្ពស់ យល់ឃើញថា ដើម្បីទទួលបានគំនិតដ៏ល្អបំផុតក្នុងកាលៈទេសៈការងារវប្បធម៌ចម្រុះ និងការផ្លាស់ប្តូរ នៅអាស៊ី ការជួលដ៏ល្អ គឺទាមទារឱ្យបុគ្គលិកមានបទពិសោធន៍ទាំងក្នុងអាជីព និងការអភិវឌ្ឍខ្លួន។

ក្នុងករណីនៅកម្ពុជាដែលមានសេដ្ឋកិច្ចកើនឡើង និងតម្រូវការខ្ពស់សម្រាប់មនុស្សដែលមានលក្ខណៈសម្បត្តិគ្រប់គ្រាន់ តើប្រធានផ្នែកធនធានមនុស្ស អាចដឹងយ៉ាងដូចម្តេចនូវបុគ្គលិកលក្ខណៈ និងវិជ្ជាជីវៈ និងឧបករណ៍អ្វីដែលមានប្រសិទ្ធភាពខ្ពស់ជាង ដើម្បីទទួលបានបុគ្គលិកដ៏ល្អបំផុត ពីទីផ្សារប្រកួតប្រជែងនេះ។ សូមមើល ៣ចំណុចខាងក្រោម៖

១. រៀបគុណតម្លៃក្រុមហ៊ុនឱ្យត្រូវនឹងជំនឿបុគ្គលរបស់បុគ្គលិក

និយោជកដ៏ល្អបំផុតនៅក្នុងពិភពលោក គឺក្នុងក្រុមការងាររបស់ពួកគេ ចាប់ពីផ្នែកហិរញ្ញវត្ថុ ដល់ផ្នែកលក់ ចែករំលែកចក្ខុវិស័យតែមួយ ហើយកំណត់គុណតម្លៃ។ សូម្បីតែនៅក្នុងក្រុមការងារអន្តរជាតិ វប្បធម៌ផ្សេងគ្នា ក្នុងខណៈដែលមានគុណតម្លៃសកល ដូចជា នវានុវត្តន៍ ឬអតិថិជនជាចម្បង ដែលក្រុមហ៊ុនអាចប្រើប្រាស់ក្នុងការផ្តល់នូវវប្បធម៌ផ្ទាល់ខ្លួន និងការកំណត់ការងាររួមរបស់ពួកគេ។

២. បង្កើតចំណុចរួមគ្នារវាងគោលដៅក្រុមហ៊ុន និងគុណភាពជីវិតរបស់បុគ្គលិក

នៅពេលដែលបុគ្គលិកមានអារម្មណ៍ថា គោលដៅបុគ្គលរបស់ពួកគេ ត្រូវគ្នានឹងអ្នកគ្រប់គ្រងរបស់ពួកគេ នោះវានឹងក្លាយជាថាមពលដ៏ខ្លាំង ហើយធ្វើគ្រប់កិច្ចការដែលប្រគល់ឱ្យ ដែលអាចសម្រេចបានក្នុងទំហំមិននឹកស្មានដល់។ និយោជិកដែលពេញចិត្តការងារម្នាក់ អាចនិយាយល្អអំពីម៉ាកយីហោ និងផលិតផលរបស់អ្នក ដូចទៅនឹងបុគ្គលិកផ្នែកលក់ និងទីផ្សាររបស់អ្នកដែរ។ ចំណុចនេះ ពិតជាអាចបន្ថែមគុណតម្លៃដល់ក្រុមហ៊ុនអ្នក សម្រាប់បុគ្គលិកដែលមានគំនិតដូចគ្នាអ៊ីចឹង។

៣. ទទួលបានការចូលរួមដោយការបង្កើតយីហោក្រុមហ៊ុនដែលផ្តោតបុគ្គលិកជាចម្បង

បុគ្គលិករីករាយនឹងនិយាយពីទំហំក្តីស្រឡាញ់ការងាររបស់ពួកគេ ហើយក៏មិននិយាយថា ក្រុមហ៊ុនណាមួយដែលល្អជាងបុគ្គលិកផ្ទាល់ខ្លួនរបស់ពួកគេដែរ។ នៅក្នុងបរិយាកាសវប្បធម៌ចម្រុះ វាគឺមានសារៈសំខាន់ណាស់ក្នុងការស្វែងរក និងរក្សាចំណុចសំខាន់រួមនៅក្នុងគ្រោងការណ៍សកលរបស់ក្រុមហ៊ុន។ នៅពេលយើងទទួលបានកម្លាំងចិត្តពីមនុស្សដែលធ្វើការល្អបំផុតឱ្យក្រុមហ៊ុនរបស់យើង វាផ្តល់ឱ្យនូវបណ្តុំគំនិតដ៏អស្ចារ្យ ក្នុងការជំរុញកាន់តែខ្លាំងនូវយីហោក្រុមហ៊ុន សម្រាប់អតិថិជន និងដៃគូ។

បច្ចុប្បន្ននេះ តើអ្នកអាចធ្វើឱ្យយីហោក្រុមហ៊ុនអ្នកកាន់តែប្រសើរឡើងបានដូចម្តេច? ព្រឹត្តិការណ៍ Annual Employer Branding Survey របស់ HRINC គឺជាជំហានទីមួយក្នុងការបង្កើនការយល់ដឹងពីរបៀបដែលបុគ្គលិករបស់អ្នក និងផ្សារពលកម្មធំៗ សង្កេតមើលក្រុមហ៊ុនអ្នក។ ប្រសិនបើលោកអ្នកចង់ចូលរួមក្នុងព្រឹត្តិការណ៍នេះ សូមទាក់ទងទៅកាន់អ៊ីមែល៖ EmployerBranding@hrinc.com.kh សម្រាប់ព័ត៌មានបន្ថែម។

ដើម្បីចូលរួមក្នុងព្រឹត្តិការណ៍នេះ សូមចុច៖ https://bit.ly/34Kfkqx