- 2019-12-31 02:19:38
- ព័ត៌មាន
ត្រឹមពេល ២ថ្ងៃ គ្រោះថ្នាក់ចរាចរឆក់យកជីវិតមនុស្សជាង ១០០នាក់នៅថៃ មុនថ្ងៃសម្រាកឆ្លងឆ្នាំ
- 2019-12-31 02:19:38
- ចំនួនមតិ 0 | ចំនួនចែករំលែក 0
ត្រឹមពេល ២ថ្ងៃ គ្រោះថ្នាក់ចរាចរឆក់យកជីវិតមនុស្សជាង ១០០នាក់នៅថៃ មុនថ្ងៃសម្រាកឆ្លងឆ្នាំ
ចន្លោះមិនឃើញ
ការហូរចេញរបស់ប្រជាជនថៃពីបណ្តាទីក្រុងឆ្ពោះទៅកាន់ភូមិស្រុកនិងទីកន្លែងកម្សាននានានៅក្នុងអំឡុងពេលឈប់សម្រាកចុងឆ្នាំរយៈពេល២ថ្ងៃមកនេះបណ្តាលអោយមានគ្រោះថ្នាក់ចរាចរណ៍៩៧៤លើក សម្លាប់មនុស្ស១០៩នាក់។ នេះបើតាមរបាយការណ៍របស់ក្រសួងគមនាគមន៍។
អាណុន លឿងបូរីបុន មន្ត្រីនៅក្រសួងខាងលើ បាននិយាយកាលពីថ្ងៃអាទិត្យទី២៩ធ្នូថា គ្រាន់តែថ្ងៃសៅរ៍តែមួយ មានគ្រោះថ្នាក់៥១០លើក សម្លាប់មនុស្ស៦៦នាក់ និងរបួស៥៧២នាក់។ ការបើកបរក្រោមឥទ្ធិពលស្រវឹងជាមូលហេតុចម្បងដែលបង្កគ្រោះថ្នាក់ និងបន្ទាប់មកបើកលឿន ហើយទោចក្រយានយន្ត(ម៉ូតូ) ចូលរួមចំណែកគ្រោះថ្នាក់៦៤,៦ភាគរយ។
មានហេតុការណ៍ចរាចរណ៍គួរអោយចាប់អារម្មណ៍មួយទៀតក្នុងអំឡុងពេលឈប់សម្រាកចុងឆ្នាំនេះ គឺផ្លូវចេញពីក្រុងបាងកកឆ្ពោះទៅកាន់ខេត្តនគរ រ៉ាតចាសីម៉ា បានស្ទះជាខ្លាំង ដោយរថយន្តនៅតម្រៀបជាជួរចម្ងាយប្រមាណ៤០គីឡូម៉ែត្រកាលពីថ្ងៃសៅរ៍៕