- 2020-01-14 02:48:03
- ព័ត៌មាន
មិនគួរឲ្យជឿ! ទារកអាចរៀនចេះរឿង ៣យ៉ាងនេះ តាំងពីនៅក្នុងពោះ
- 2020-01-14 02:48:03
- ចំនួនមតិ 0 | ចំនួនចែករំលែក 0
មិនគួរឲ្យជឿ! ទារកអាចរៀនចេះរឿង ៣យ៉ាងនេះ តាំងពីនៅក្នុងពោះ
ចន្លោះមិនឃើញ
ក្រុមអ្នកវិទ្យាសាស្ត្របានរកឃើញថា មនុស្សយើងចេះរៀនយ៉ាងពិតប្រាកដ តាំងពីមិនទាន់កើតចេញពីផ្ទៃម្ដាយមកម្ល៉េះ។
ខាងក្រោមនេះគឺជា រឿងទាំង៣យ៉ាងដែលទារករៀនចេះតាំងពីនៅក្នុងពោះម្ដាយ៖
#១ បទពិសោធន៍រសជាតិ
លោកសាស្ត្រាចារ្យ Peter Hepper មកពីសកលវិទ្យាល័យ Queen’s University ក្នុងទីក្រុង Belfast ប្រទេសកាណាដា បានងឿងឆ្ងល់ថា តើមនុស្សយើងអាចចូលចិត្តអាហារអ្វីម៉្យាង មុនពេលកើតឬក៏យ៉ាងណា។ លោកក៏បានធ្វើការសិក្សាមួយ ទៅលើស្ត្រីជាម្ដាយដែលបរិភោគ និងមិនបរិភោគខ្ទឹម។ លទ្ធផលគឺពិតជាគួរឲ្យចាប់អារម្មណ៍ ខណៈទារក (មានម្ដាយចូលចិត្តបរិភោគខ្ទឹម) ដែលកើតចេញមក គឺចូលចិត្តបរិភោគអាហារជាមួយខ្ទឹម ទោះបីជាមានអាយុត្រឹមតែ ៨ ទៅ ៩ឆ្នាំក្តី។
ការសិក្សាដូចគ្នានេះដែរ ត្រូវបានធ្វើឡើងជាមួយទឹកការ៉ុត។ ទារកអាយុ ៥ ទៅ ៦ខែ ដែលមានម្ដាយចូលចិត្តទទួលទានទឹកការ៉ុត បានចូលចិត្តទឹកការ៉ុតយ៉ាងខ្លាំង។ លោកសាស្ត្រាចារ្យ Hepper បានឲ្យដឹងថា វាប្រហែលជារបៀបដែលទារកចំណាំ និងជាបទពិសោធន៍ដែលមានតាំងពីនៅក្នុងផ្ទៃម្ដាយ។
#២ ការស្ដាប់លឺសំឡេង
អ្នកវិទ្យាសាស្ត្រមួយក្រុម មកពីប្រទេសហ្វាំងឡង់ បានធ្វើការពិសោធន៍ ទៅលើស្ត្រីមានផ្ទៃពោះ ចំនួន២ក្រុម ដែលក្រុមទី១ បានស្ដាប់ចម្រៀងបំពេរទារក (Lullaby) រាល់ថ្ងៃ និង ក្រុមទី២ មិនដែលស្ដាប់ទាល់តែសោះ។ លទ្ធផលបានបង្ហាញឲ្យឃើញថា ទារកដែលមានម្ដាយស្ថិតក្នុងក្រុមទី១ មានប្រតិកម្មទៅនឹងបទចម្រៀងនោះ ខណៈទារកមួយក្រុមទៀត ធ្វើព្រងើយកន្តើយ។ ក្រុមស្រាវជ្រាវខាងលើ បានធ្វើការសន្និដ្ឋានថា ទារកដែលមានប្រតិកម្ម ប្រាកដជាបានស្ដាប់លឺបទចម្រៀងនោះ នៅពេលស្ថិតក្នុងផ្ទៃម្ដាយ។
#៣ ការចំណាំសំឡេង
លោកស្រី Athena Vouloumanos អ្នកចិត្តវិទូ មកពីសកលវិទ្យាល័យ New York University បានធ្វើការប្រៀបធៀបប្រតិកម្មរបស់ទារកដែលទើបនឹងកើត ទៅកាន់សំឡេងមនុស្ស និង សំឡេងផ្សេងៗ ដោយបានរកឃើញថា ទារកមានប្រតិកម្មចំពោះសំឡេងមនុស្ស។ មិនតែប៉ុណ្ណោះ ទារកទាំងនោះកាន់តែវាងវៃ នៅពេលបានលឺសំឡេងម្ដាយរបស់ពួកគេ។
ការស្រាវជ្រាវនេះដែរ ក៏បានជួយបង្ហាញជាគំនិតសំខាន់មួយថា ត្រូវតែមានសូរស័ព្ទល្អៗ នៅជុំវិញទារកមិនទាន់កើត និងទារកកើតមិនគ្រប់ខែ បើមិនដូច្នោះទេ ពួកគេអាចនឹងមានបញ្ហាក្នុងការនិយាយ ប្រសិនបើពួកគេមិនបានឮការនិយាយរបស់មនុស្សគ្រប់គ្រាន់៕