- 2020-01-20 02:30:46
- ព័ត៌មាន
គួរឲ្យខ្លាច! ត្រឹមពេល ២ថ្ងៃ ចិនប្រកាសផ្ទុះមេរោគឆ្លងថ្មីជាង ១៣០ករណី
- 2020-01-20 02:30:46
- ចំនួនមតិ 0 | ចំនួនចែករំលែក 0
គួរឲ្យខ្លាច! ត្រឹមពេល ២ថ្ងៃ ចិនប្រកាសផ្ទុះមេរោគឆ្លងថ្មីជាង ១៣០ករណី
ចន្លោះមិនឃើញ
អាជ្ញាធរចិន បានរាយការណ៍ករណីមេរោគឆ្លងថ្មីចំនួន ១៣៩ករណីក្នុងរយៈពេលត្រឹមពីរថ្ងៃប៉ុណ្ណោះ និងបន្ដរាលដាលឆ្លងដល់ទីក្រុងផ្សេងទៀត។
យោងតាមសារព័ត៌មានក្នុងតំបន់ឲ្យដឹងថា ដំបូងឡើយមេរោគដ៏អាថ៌កំបាំងនេះ បានផ្ទុះឡើងនៅក្នុងទីក្រុង Wuhan បន្ដរាលដាលទៅដល់ប៉េកាំង និងក្រុង Shenzhen។ ចំនួនតួលេខនៃករណីសរុបដែលត្រូវបានរាយការណ៍ មានរហូតដល់លើស ២០០ករណី ខណៈដែលមនុស្ស ៣នាក់បានស្លាប់។ យោងតាមអង្គការសុខភាពពិភពលោក WHO ចំនួនករណីបានកើនឡើងដោយសារការស្រាវជ្រាវ និងធ្វើតេស្ដមេរោគថ្មីនេះ។ ជាមួយគ្នាដែរ អ្នកជំនាញជឿជាក់ថាចំនួនប្រជាជនដែលឆ្លងជំងឺនេះពិតប្រាកដ អាចនឹងមានច្រើនជាងតួលេខដែលអាជ្ញាធរទទួលបាន។
គួរឲ្យដឹងថា មេរោគឆ្លងថ្មីទាក់ទងនឹងផ្លូវដង្ហើមនេះ ត្រូវបានផ្ទុះឡើងដំបូងនៅក្នុងទីក្រុង Wuhan កាលពីខែធ្នូកន្លងទៅ ហើយមកទល់ពេលនេះរាលដាលទៅដល់បរទេស ដោយមានពីរករណីក្នុងប្រទេសថៃ និងមួយករណីក្នុងប្រទេសជប៉ុន៕