/5e2fa26497bf4_1580180040_medium.jpg)
- 2020-01-28 02:56:51
- ព័ត៌មាន
ភ្នាក់ងារជាន់ខ្ពស់ CIA អាមេរិក ស្លាប់ក្នុងហេតុការណ៍ធ្លាក់យន្ដហោះបាញ់ដោយក្រុមតាលីបង់
- 2020-01-28 02:56:51
- ចំនួនមតិ 0 | ចំនួនចែករំលែក 0
ភ្នាក់ងារជាន់ខ្ពស់ CIA អាមេរិក ស្លាប់ក្នុងហេតុការណ៍ធ្លាក់យន្ដហោះបាញ់ដោយក្រុមតាលីបង់
ចន្លោះមិនឃើញ
យោធាអាមេរិក បានចេញមុខបញ្ជាក់យន្ដហោះយោធារបស់ខ្លួនមួយគ្រឿងបានធ្លាក់នៅក្នុងប្រទេសអាហ្វហ្គានីស្ថានកាលពីថ្ងៃចន្ទកន្លងទៅ ក្រោយពេលដែលក្រុមសកម្មប្រយុទ្ធតាលីបង់បាញ់ទម្លាក់។
យោងតាមសារព័ត៌មានក្នុងតំបន់ឲ្យដឹងថា យន្ដហោះយោធាអាមេរិកប្រភេទ Bombardier E-11A បានធ្លាក់កាលពីរសៀលថ្ងៃចន្ទនៅក្នុងខេត្ត Ghanzi ភាគខាងត្បូងរដ្ឋធានីប្រទេសអាហ្វហ្គានីស្ថាន និងបានសម្លាប់មនុស្សទាំងអស់នៅលើយន្ដហោះប្រមាណជាជិត ១០នាក់។ ក្នុងចំណោមជនរងគ្រោះទាំងអស់ ក៏មានសេចក្ដីរាយការណ៍ថាមានភ្នាក់ងារជាន់ខ្ពស់នៃក្រុមស៊ើបអង្កេត CIA របស់អាមេរិកផងដែរ។ ក្រោយកើតហេតុ ក្រុមសកម្មប្រយុទ្ធតាលីបង់ បានចេញមុខអះអាងថាខ្លួនជាអ្នកបាញ់ទម្លាក់យន្ដហោះនេះ ដោយប្រើប្រព័ន្ធមីស៊ីល 9K32 Strela-2។
គួរឲ្យដឹងថា យន្ដហោះប្រភេទ E-11A នេះត្រូវបានប្រើប្រាស់ជា Wifi នៅលើអាកាសក្នុងជួរយោធាអាមេរិកសម្រាប់ជាការទំនាក់ទំនង និងបញ្ជូនទិន្នន័យដែលអនុញ្ញាតឲ្យមានការផ្លាស់ប្ដូរព័ត៌មានក្នុងពេលជាក់លាក់រវាងប្រព័ន្ធផ្សេងគ្នាផងដែរ៕
