ប្រយ័ត្នឲ្យមែនទែន! អ្នកជំនាញអាមេរិកអះអាងថា វីរុសកូរ៉ូណាអាចអូសបន្លាយពេលច្រើនខែ

2020-01-28 07:58:26
ព័ត៌មាន

2020-01-28 07:58:26
ចំនួនមតិ 0 | ចំនួនចែករំលែក 0

ចន្លោះមិនឃើញ

វីរុសកូរ៉ូណាដ៏កាចសាហារដែលផ្ទុះឡើងនៅចិនហើយរាលដាលទៅកាន់ប្រទេសដទៃទៀត នឹងប៉ះពាល់ដល់មនុស្សយ៉ាងហោច ១០ម៉ឺននាក់ និងអូសបន្លាយពេលជាច្រើនខែ។ នេះបើតាមការប៉ាន់ស្មានរបស់អ្នកស្រាវជ្រាវជាច្រើននាក់ ផ្អែកលើទិន្នន័យបឋម។

យោងតាមសាស្ត្រាចារ្យនៅសកលវិទ្យាល័យ Northeastern លោក Alessandro Vespignani ឲ្យដឹងថា "ការផ្ទុះជំងឺនេះ នឹងមិនត្រូវបញ្ចប់នៅអាទិត្យក្រោយ ឬខែក្រោយនោះទេ។ វានឹងអូសបន្លាយពេលជាច្រើនសប្ដាហ៍ ឬប្រហែលរាប់ខែ ហើយគ្មាននរណាម្នាក់ដឹងថាវានឹងទៅជាយ៉ាងណាទេ។” ជាមួយគ្នាដែរ ក្រុមអ្នកស្រាវជ្រាវ បានប្រើគំរូគណិតវិទ្យាដើម្បីប៉ាន់ស្មានចំនួនករណីជាក់ស្តែងដូចជាកាលបរិច្ឆេទបច្ចុប្បន្ន ប្រៀបធៀបទៅនឹងការផ្ទុះជំងឺកាលពីមុន ប៉ុន្តែសម្មតិកម្មរបស់ពួកគេជាច្រើននៅតែមិនជាក់លាក់។

លើសពីនេះទៀត ពួកគេជឿថាអ្នកជំងឺខ្លះអាចចម្លងដល់មនុស្សជាច្រើននាក់ ខណៈដែលអ្នកផ្សេងទៀតចម្លងតិចតួចប៉ុណ្ណោះ។ យ៉ាងណាមិញ វិធានការណ៍ផ្សេងៗ និងការដាក់អ្នកជំងឺឲ្យនៅដាច់ដោយឡែក អាចកាត់បន្ថយចំនួនអ្នកឆ្លងជំងឺ និងការរីករាលដាលផងដែរ៕