ពិតទេ? កុម្មង់ទំនិញពីចិន អាចឆ្លងវីរុសកូរ៉ូណាមកជាមួយដែរ?

2020-01-30 04:10:00
សុខភាព

2020-01-30 04:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អំឡុងដែលវីរុសដ៏កាចសាហាវ កូរ៉ូណា មានប្រភពចេញពីក្រុងវូហាន ប្រទេសចិន ធ្វើឲ្យមនុស្សម្នាជាច្រើនខ្លាចរអាថា តើទំនិញដែលកុម្មង់ពីចិនមកនោះ អាចនាំមេរោគមកជាមួយដែរឬទេ?

ឆ្លើយតបនឹងការងឿងឆ្ងល់នេះ យោងតាមសារព័ត៌មាន www.thairath.co.th ដែលជាវ៉េបសាយមេ ព្រមទាំង Page មានឈ្មោះថា Raise children up to the doctor ល្បីរបស់ថៃ បានចេញផ្សាយពីករណីនេះ។

រូបតំណាង

តាមការវិភាគ ថ្វីដ្បិតវីរុសថ្មីនេះមិនទាន់ដឹងច្បាស់ថាវាអាចរស់នៅក្រៅរាងកាយមនុស្សបានយូរប៉ុនណា និងវិធីសម្លាប់វាបានដោយរបៀបណាក្ដី តែវីរុស កូរ៉ូណា គេអាចប្រៀបធៀបនឹងជំងឺរលាកផ្លូវដង្ហើមដែលមានលក្ខណៈស្រដៀងគឺ ជំងឺសាល ( SARS) ។ ជាទូទៅជំងឺ SARS អាចរស់នៅក្នុងមជ្ឈដ្ឋានខាងក្រៅស្ងួតរយៈពេល ៥-៧ ថ្ងៃក្នុងបន្ទប់មានកម្រិតសីតុណ្ហភាព ២៥ អង្សាសេ និងសិរីរៈរាវ រយៈពេល៣ សប្ដាហ៍។ តាមការសន្និដ្ឋាន វីរុស កូរ៉ូណា អាចរស់នៅមជ្ឈដ្ឋានខាងក្រៅរយៈពេល ៣ថ្ងៃប៉ុណ្ណោះ ក្នុងបន្ទប់មានកម្រិតសីតុណ្ហភាព៤ អង្សាសេ។ ជាទូទៅមួយទៀត ជំងឺ SARS ដែលវាយលុកខ្លាំងលើប្រព័ន្ធដង្ហើមរបស់មនុស្ស មិនអាចរស់នៅបានយូរក្នុងកម្រិតសីតុណ្ហភាពក្តៅបានឡើយ ។

រូបតំណាង

ម្ល៉ោះហើយ ប្រសិនបើទំនិញដែលកុម្មង់ពីចិន មានការលេចធ្លាយការវេចខ្ចប់ហើយ មនុស្សក្អកឬកណ្ដាស់ដាក់អីវ៉ាន់ទាំងនោះ ក៏តោងទាមមេរោគមកជាមួយ ក៏វាមិនអាចរស់នៅបានយូរដែរ។ ដោយសារជាទូទៅ ទំនិញដែលកុម្មង់ ប្រើរយៈពេល ១២ -១៨ ថ្ងៃ ឬបើយូរអាចឈានដល់១ខែ។ តាមការសន្និដ្ឋាន វីរុសមិនងាយអាចឆ្លងបានទេ។ ដូច្នេះស្ថិតក្នុងស្ថានភាពនេះ បើទំនិញរបស់អ្នកមានការយឺតយ៉ាវទម្រាំមកដល់ គួរតែសប្បាយចិត្ត ព្រោះវាកាន់តែមានសុវត្ថិភាព។

រូបតំណាង

បន្ថែមពីនេះ យោងតាមការចុះផ្សាយពីសារព័ត៌មានល្បី BBC បញ្ជាក់ថា មិនទាន់មានភស្តុតាងណាអះអាងថានេះជាហានិភ័យឡើយ។ មិនទាន់មានការបង្ហាញថា វីរុសកូរ៉ូណាថ្មី អាចចម្លងតាមរយៈការកុម្មង់ទំនិញពីក្រៅប្រទេសឡើយ បើទោះជាជំងឺផ្ដាសាយមួយចំនួន រួមទាំងជំងឺសាល និងកូរ៉ូណានេះឆ្លងពីមនុស្សម្នាក់ទៅម្នាក់តាមរយៈការក្អក និងកណ្ដាស់ក៏ដោយ។