- 2020-01-31 01:51:43
- សុខភាព
អង្គការសុខភាពពិភពលោក ប្រកាសអាសន្នទូទាំងពិភពលោកចំពោះជំងឺ Corona នៅចិន
- 2020-01-31 01:51:43
- ចំនួនមតិ 0 | ចំនួនចែករំលែក 0
អង្គការសុខភាពពិភពលោក ប្រកាសអាសន្នទូទាំងពិភពលោកចំពោះជំងឺ Corona នៅចិន
ចន្លោះមិនឃើញ
WHO ឬអង្គការសុខភាពពិភពលោក បានប្រកាសអាសន្នទូទាំងពិភពលោកពីជំងឺ Corona ដែលកំពុងរីករាលដាលកាន់តែខ្លាំងឡើងនៅប្រទេសចិន។
គិតត្រឹមថ្ងៃទី៣១ខែមករាឆ្នាំ២០២០នេះ មានករណីអ្នកស្លាប់រហូតដល់ជាង២០០នាក់ហើយ ខណៈដែលមនុស្សរាប់ពាន់នាក់ទៀតកំពុងផ្ទុកមេរោគនេះ សម្រាកនៅមន្ទីរពេទ្យ។ ប្រទេសជាច្រើនទើបរកឃើញអ្នកកើតជំងឺ Corona នេះ ដោយម្សិលមិញអ៊ីតាលី ក៏បង្ហាញពីវត្តមានរបស់មេរោគមួយនេះក្នុងប្រទេសរបស់ខ្លួនផងដែរ។
លោក Tedros Adhanom Ghebreyesus ប្រធានអង្គការ WHO បាននិយាយដូច្នេះថា៖ “ការព្រួយបារម្ភដ៏ធំបំផុតរបស់យើងគឺសក្តានុពលនៃវីរុសរាលដាលដល់ប្រទេសដែលមានប្រព័ន្ធសុខភាពខ្សោយ។ យើងត្រូវតែរួមគ្នាទាំងអស់គ្នាដើម្បីកំណត់ការរីករាលដាលបន្ថែមទៀត ... យើងអាចបញ្ឈប់វាជាមួយគ្នា”។
រំលឹកថាបច្ចុប្បន្ននេះប្រទេសមួយចំនួនបានផ្អាកជើងហោះហើរទៅមកប្រទេសចិនហើយ ដើម្បីការពារការឆ្លងជំងឺ Corona នេះ ស្របពេលបច្ចុប្បន្ននៅមិនទាន់រកឃើញថ្នាំដើម្បីព្យាបាលនៅឡើយទេ៕