- 2020-02-24 02:01:31
- ព័ត៌មាន
កូរ៉េខាងត្បូង បង្កើនការព្រមានពីការឆ្លងវីរុសដល់កម្រិតខ្ពស់បំផុត ក្រោយមានអ្នកស្លាប់ ៥នាក់
- 2020-02-24 02:01:31
- ចំនួនមតិ 0 | ចំនួនចែករំលែក 0
កូរ៉េខាងត្បូង បង្កើនការព្រមានពីការឆ្លងវីរុសដល់កម្រិតខ្ពស់បំផុត ក្រោយមានអ្នកស្លាប់ ៥នាក់
ចន្លោះមិនឃើញ
កូរ៉េខាងត្បូងនៅថ្ងៃអាទិត្យទី២៣កុម្ភៈនេះបានប្រកាសការឆ្លងកូរ៉ូណាវីរុសចំនួន១៦៩នាក់ទៀត និងអ្នកស្លាប់បានកើនដល់៥នាក់ ដោយភាគច្រើនជាប់ពាក់ព័ន្ធនឹងព្រះវិហារមួយនៅក្រុងដេហ្គូ។
សរុបអ្នកឆ្លងវីរុសCovid-19នៅកូរ៉េខាងត្បូងបានកើនដល់៦០២នាក់ តែអ្នកឆ្លងថ្មីពាក់ព័ន្ធនឹងព្រះវិហារយេស៊ូស៊ីនឈិអុនជីនៅក្រុងដេហ្គូ បន្ទាប់ពីស្ត្រីអាយុ៦១ឆ្នាំម្នាក់ បានកើតជម្ងឺCovid-19និងបានទៅធ្វើការបន់ស្រន់នៅក្នុងព្រះវិហារ។អ្នកឆ្លងជាង៣០០នាក់សុទ្ធតែជាអ្នកបានទៅធ្វើការបន់ស្រន់ក្នុងព្រះវិហារឬជាអ្នកបំរើការនៅទីនោះ។ ទីភ្នាក់ងារសារព័ត៌មានយ៉ុនហាប់បានរាយការណ៍កាលពីថ្ងៃអាទិត្យថា អ្នកស្លាប់ទី៥ដោយកូរ៉ូណាវីរុស ជាស្ត្រីអាយុ៥៦ឆ្នាំ ដែលបានស្លាប់នៅមន្ទីរពេទ្យសកលវិទ្យាល័យជាតិ គ្យុងពុក នៅក្រុងដេហ្គូ ។ អ្នកស្លាប់ទី៤ ដែលក៏នៅថ្ងៃអាទិត្យផងដែរ ជាបុរសវ័យ៥៧ឆ្នាំ ដែលបានចូលព្យាបាលនៅមន្ទីរពេទ្យឈឹងដូ។
ក្នុងពេលជាមួយគ្នា សិង្ហបុរីបានណែនាំកុំអោយពលរដ្ឋខ្លួនធ្វើដំណើរទៅក្រុងដេហ្គូនិង ឈឹងដូ ហើយក៏បានប្រាប់ពលរដ្ឋខ្លួនអោយមានការប្រុងប្រយ័ត្នចំពោះការធ្វើដំណើរទៅកាន់ផ្នែកផ្សេងទៀតនៃកូរ៉េខាងត្បូង។ ចំណែកអាម៉េរិកកាលពីថ្ងៃសៅរ៍ក៏បានបង្កើនការព្រមានពលរដ្ឋរបស់ខ្លួនអំពីការធ្វើដំណើរទៅកាន់កូរ៉េខាងត្បូង៕