- 2020-03-05 06:33:34
- ព័ត៌មាន
វៀតណាមបើកឃុំមួយឡើងវិញ ក្រោយក្រុងពលរដ្ឋជាង១ម៉ឺននាក់ អស់ពេលជាង ២០ថ្ងៃ
- 2020-03-05 06:33:34
- ចំនួនមតិ 0 | ចំនួនចែករំលែក 0
វៀតណាមបើកឃុំមួយឡើងវិញ ក្រោយក្រុងពលរដ្ឋជាង១ម៉ឺននាក់ អស់ពេលជាង ២០ថ្ងៃ
ចន្លោះមិនឃើញ
ការបិទឃុំ Son Loi ក្នុងខេត្ត Vinh Phuc ប្រទេសវៀតណាមដើម្បីបង្ការការឆ្លងវីរុសកូរ៉ូណា ត្រូវបានបញ្ចប់ហើយកាលពីយប់ថ្ងៃអង្គារសប្ដាហ៍នេះ។
យោងតាមសេចក្ដីប្រកាសរបស់ប្រធានការិយាល័យគណៈកម្មាធិការប្រជាជនខេត្តលោក Bui Hong Do ឲ្យដឹងថាពលរដ្ឋក្នុងឃុំ Son Loi ត្រូវបានបើកឲ្យមានសេរីភាពឡើងវិញ ក្រោយរកមិនឃើញមានករណីអ្នកឆ្លង Covid-19 ក្នុងរយៈពេល ២០ថ្ងៃចុងក្រោយ។ ឃុំ Son Loi បានក្លាយជាចំណុចកណ្តាលនៃការផ្ទុះឡើងនៃ Covid-19 នៅក្នុងប្រទេសវៀតណាម ដោយមានករណីចំនួន ៧ ដែលបានបញ្ជាក់ ហើយជំរុញឱ្យអាជ្ញាធរដាក់ប្រជាជន ១០ ៦០០ នាក់ដែលរស់នៅក្នុងភូមិចំនួន ៦ ឲ្យនៅដោយឡែកពីគេចាប់ពីថ្ងៃទី ១៣ ខែកុម្ភៈ។ បន្ទាប់ពីការបិទឃុំនេះ ប៉ុស្តិ៍ត្រួតពិនិត្យចំនួន ៦ ត្រូវបានដាក់នៅជុំវិញឃុំ ហើយភ្នាក់ងារនៅប្រចាំការ ២៤ម៉ោង។
ការអនុវត្តនេះ ត្រូវបានធ្វើឡើងក្រោយពេលដែលបុរសវ័យ ៥០ឆ្នាំម្នាក់នៅក្នុងឃុំ ត្រូវបានរកឃើញឆ្លងជំងឺពីកូនស្រីវ័យ ២៣ឆ្នាំរបស់ខ្លួន ដែលទើបធ្វើដំណើរមកពីទីក្រុង Wuhan កាលពីខែមករា។ យ៉ាងណាមិញ បុរសខាងលើ ត្រូវបានអនុញ្ញាតឲ្យចេញពីមន្ទីរពេទ្យក្រោយព្យាបាលជាសះស្បើយកាលពីថ្ងៃទី ២៦ខែកុម្ភៈ។ ឥឡូវនេះជាមួយនឹងការបញ្ចប់ការបិទឃុំ អាជ្ញាធរនៅបន្ដការប្រយ័ត្នប្រយែង និងណែនាំឲ្យអ្នកស្រុកជៀសវាងធ្វើដំណើរទៅកន្លែងដែលមានមនុស្សច្រើនដើម្បីការពារជំងឺពីការវិលត្រឡប់មកវិញ៕