WHO៖ អឺរ៉ុបក្លាយជាចំណុចស្នូលនៃការឆ្លងរាលដាលនៃវីរុសកូវីដ១៩

2020-03-16 02:14:51
ព័ត៌មាន

2020-03-16 02:14:51
ចំនួនមតិ 0 | ចំនួនចែករំលែក 0

ចន្លោះមិនឃើញ

អង្គការសុខភាពពិភពលោក(WHO)បាននិយាយកាលពីថ្ងៃសុក្រទី១៣មីនាថាអឺរ៉ុបឥឡូវនេះបានក្លាយជាចំណុចស្នូលនៃការរាតត្បាតនៃជំងឺឆ្លងកូវីដ១៩ដែលបានសម្លាប់មនុស្សជាង៥.០០០ នាក់នៅជុំវិញពិភពលោក។

អគ្គនាយកនៃអង្គការសុខភាពពិភពលោកបានប្រាប់សន្និសីទកាសែតមួយថា មានករណីឆ្លងវីរុសជាង១៣២.០០០ ករណីត្រូវបានរាយការណ៍នៅ១២៣ ប្រទេសចាប់តាំងពីវាបានកើតឡើងកាលពីខែធ្នូនៅទីក្រុងវូហាន ប្រទេសចិន។ លោកបាននិយាយនៅទីក្រុងហ្សឺណែវថា”ឥឡូវនេះអឺរ៉ុបបានក្លាយជាចំណុចស្នូលនៃជំងឺរាតត្បាតនេះ ដោយមានករណីឆ្លងបន្ថែមទៀតជាច្រើនករណីត្រូវបានរាយការណ៍និងការស្លាប់ច្រើនជាងនៅផ្នៃកផ្សេងទៀតនៃពិភពលោក ក្រៅតែពីប្រទេសចិន។ លោកបានប្រកាសថា អង្គការសុខភាពពិភពលោកកំពុងចាប់ផ្តើម “មូលនិធិឆ្លើយតបសាមគ្គីភាពប្រឆាំងវីរុស”។ នេះនឹងអនុញ្ញាតឱ្យប្រជាជននិងអង្គការ នានាចូលរួមវិភាគទានសម្រាប់ម៉ាស់ការពារ ស្រោមដៃ និងវ៉ែនតាសម្រាប់ក្រុមគ្រូពេទ្យ និងឧបករណ៍ធ្វើរោគវិនិច្ឆ័យសម្រាប់ការស្រាវជ្រាវនិងការអភិវឌ្ឍន៍ស្រាវជ្រាវរកវ៉ាក់សាំង។

អង្គការសុខភាពពិភពលោកនិងមូលនិធិអង្គការសហប្រជាជាតិបានប្រកាស នៅក្នុងសេចក្តីថ្លែងការណ៍រួមមួយថា ក្រុមហ៊ុនFacebookនឹងផ្តល់ប្រាក់ចំនួន១០លានដុល្លារខណៈដែល ក្រុមហ៊ុនGoogle ( នៃក្រុមហ៊ុនAlphabet Inc) នឹងបរិច្ចាគប្រាក់ ៥ លានដុល្លារ៕

ប្រភព ៖ rasmeinews