- 2020-03-24 07:10:00
- ព័ត៌មាន
ចេញក្រៅផ្ទះមិនបាន ដោយសារ Covid 19 ម្ចាស់ឆ្កែបង្ហោះ drone ឲ្យដឹកឆ្កែដើរលេង
- 2020-03-24 07:10:00
- ចំនួនមតិ 0 | ចំនួនចែករំលែក 0
ចេញក្រៅផ្ទះមិនបាន ដោយសារ Covid 19 ម្ចាស់ឆ្កែបង្ហោះ drone ឲ្យដឹកឆ្កែដើរលេង
ចន្លោះមិនឃើញ
អ៊ីចឹងបានគេថា ទ្វារមួយបិទ ទ្វារមួយទៀតនឹងបើកចេញមកពិតមែន។ ទោះបីជាស្ថិតក្នុងកាលៈទេសៈណាក៏សូមកុំអស់សង្ឃឹមឲ្យសោះ។
ដោយសារតែស្ថានការណ៍វីរុស Covid 19 កំពុងតែរាតត្បាតនៅគ្រប់ទិសទីលើពិភពលោក រដ្ឋាភិបាលប្រទេសជាច្រើនបានដាក់បម្រាមមិនឲ្យប្រជាជនខ្លួនចេញពីផ្ទះឡើយ ចៀសវាងការឆ្លងតគ្នា។
ជាក់ស្ដែង លោក Vakis Demetriou រស់នៅលើកោះ Sip ប្រទេសអ៊ីស្រអែល ក៏កំពុងត្រូវរដ្ឋាភិបាលឲ្យនៅក្នុងផ្ទះចំនួន១៤ថ្ងៃដូចគ្នា។ យ៉ាងណាក្ដី ទោះបីជាសាមីខ្លួនឯងអាចនៅក្នុងផ្ទះបានជាច្រើនថ្ងៃក៏ពិតមែន ប៉ុន្តែសត្វចិញ្ចឹមរបស់លោក មិនអាចនៅក្នុងផ្ទះរហូតបានឡើយ។ តាមនោះដែរ លោក Vakis មានចិញ្ចឹមឆ្កែតូចមួយក្បាល ពណ៌ស ដែលតែងត្រូវនាំចេញក្រៅដើរលេងជារៀងរាល់ថ្ងៃ។ ប៉ុន្តែ ៥ថ្ងៃមកហើយ ដែលសត្វចិញ្ចឹមមួយនេះមិនបានចេញពីផ្ទះ ដែលធ្វើឲ្យវាមួម៉ៅជាខ្លាំង។ ដោយឃើញហេតុនេះ ម្ចាស់វាបានរកឃើញគំនិតថ្មីមួយ នោះគឹ លោកបានប្រើ drone ចងជាប់ជាមួយឆ្កែ ហើយប្រើតេឡេបញ្ជារពីក្នុងផ្ទះ ដើម្បីឲ្យ drone នេះដឹកឆ្កែដើរលេងជុំវិញបរិវេណផ្ទះរបស់ខ្លួន។
វីដេអូ ដឹកឆ្កែដើរលេងដោយ drone របស់ Vakis ទទួលបានការចាប់អារម្មណ៍ជាខ្លាំងនៅលើបណ្ដាញសង្គម៕