- 2020-04-07 08:11:55
- ព័ត៌មាន
សម្តេចតេជោ ហ៊ុន សែន៖ «ឆ្នាំនេះការរៀនសូត្រ អាចនឹងជួបការលំបាក»
- 2020-04-07 08:11:55
- ចំនួនមតិ 0 | ចំនួនចែករំលែក 0
សម្តេចតេជោ ហ៊ុន សែន៖ «ឆ្នាំនេះការរៀនសូត្រ អាចនឹងជួបការលំបាក»
ចន្លោះមិនឃើញ
សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានលើកឡើងថា ប្រហែលជាមិនអាចនឹងបើកសាលារៀនឲ្យដំណើរការឡើងវិញ ក្រោយចូលឆ្នាំបានទេ បើយោងតាមការវិវឌ្ឈន៍ នៃសភាពការណ៍បែបនេះ។ «ឆ្នាំនេះ ការរៀនសូត្រអាចនឹង ជួបការលំបាក»។
ការថ្លែងខាងលើនេះ នៅក្នុងមុខព្រួញទី ២ ដែលបានចែងអំពីការទប់ស្កាត់ពីអ្នកកើត កុំឲ្យឆ្លងទៅអ្នកមិនមិនទាន់កើត នៃជំងឺកូវីដ១៩។
នៅពេលស្ថានភាពរីករាលដាលនៃជំងឺកូវីដ១៩ ប្រទេសកម្ពុជា បានដាក់ចេញនូវវិធានការ៣ ដែលជាមុខព្រួញសំខាន់ សម្រាប់ការពារជំងឺកូវីដ ១៩ គឺ
១. ទប់ស្កាត់ការឆ្លងពីខាងក្រៅ
២. ទប់ស្កាត់អ្នកកើតជំងឺកូវីដ១៩ កុំឲ្យឆ្លងទៅអ្នកមិនទាន់កើត
៣. បន្តការព្យាបាលអ្នកជំងឺឲ្យជាសះស្បើយ
ដើម្បីការពារការរីករាលដាលជំងឺកូវីដ ១៩ នៅកម្ពុជា ត្រង់មុខព្រួញទី ២ របស់រាជរដ្ឋាភិបាលកម្ពុជា បានប្រកាស បិទសាលារៀនបណ្ដោះសន្ន ឬហៅថា ឲ្យវ៉ាកងមុនពេលកំណត់ ដើម្បីទប់ស្កាត់ជំងឺផ្លូវដង្ហើមប្រភេទថ្មី ដែលកំពុងរីករាលដាលនៅលើពិភពលោក។
ទន្ទឹមនឹងប្រកាសឲ្យបិទសាលារៀនបណ្ដោះអាសន្ន នាយករដ្ឋមន្រ្តី ហ៊ុន សែន ក៏បានព្រមានមិនឲ្យមានការបើកបង្រៀនគួរក្រៅម៉ោង ហើយបានជំរុញឲ្យអាណាព្យាបាល បង្កើនពេលវេលាបង្រៀនកូន ចៅ នៅផ្ទះ អំឡុងពេលបិទសាលារៀន ហើយប្រសិនអាចធ្វើទៅបាន គឺការរៀនតាមអនឡាញ៕