- 2020-04-08 05:06:34
- ព័ត៌មាន
ត្រឹម ២៤ម៉ោង! អាមេរិកមានអ្នកស្លាប់ជិត ២ពាន់នាក់ ច្រើនបំផុតក្នុងប្រវតិ្តសាស្ត្រ Covid-19
- 2020-04-08 05:06:34
- ចំនួនមតិ 0 | ចំនួនចែករំលែក 0
ត្រឹម ២៤ម៉ោង! អាមេរិកមានអ្នកស្លាប់ជិត ២ពាន់នាក់ ច្រើនបំផុតក្នុងប្រវតិ្តសាស្ត្រ Covid-19
ចន្លោះមិនឃើញ
សហរដ្ឋអាមេរិក បានរកឃើញនូវកំណត់ត្រាថ្មីដែលមានចំនួនអ្នកស្លាប់ដោយសារកូរ៉ូណាច្រើនបំផុតក្នុងរយៈពេល ២៤ម៉ោងដែលមិនធ្លាប់មានចាប់តាំងពីផ្ទុះវីរុសនេះកាលពីចុងឆ្នាំមុនឡើងមក។
យោងតាមទិន្នន័យពីសកលវិទ្យាល័យ Johns Hopkins ឲ្យដឹងថាកាលពីថ្ងៃអង្គារអ្នកស្លាប់ដោយសារ Covid-19 មានចំនួន ១ ៨៩០នាក់ដែលបណ្ដាលឲ្យចំនួនអ្នកស្លាប់សរុបក្នុងប្រទេសមហាអំណាចនេះឡើងដល់ ១២ ៩០៨នាក់។ តួលេខបង្ហាញថាចំនួនអ្នកស្លាប់បានកើនឡើងយ៉ាងខ្លាំងជាង ៨ ០០០ នាក់ក្នុងសប្តាហ៍ទី ១ នៃខែមេសាបើប្រៀបធៀបទៅនឹងខែមីនាទាំងមូលមានអ្នកស្លាប់តែ ៤ ០០០ នាក់ប៉ុណ្ណោះ។ យ៉ាងណាមិញ មន្ត្រីសុខាភិបាលបានព្រមានថាចំនួនអ្នកស្លាប់ដោយសារជំងឺ coronavirus ទំនងជាខ្ពស់ជាងតួលេខដែលបានរាយការណ៍ ដោយសារតែមិនមានរបាយការណ៍ថ្នាក់ជាតិជាក់លាក់អំពីការស្លាប់នៅចំពេលមានការរាតត្បាត។
គិតត្រឹមថ្ងៃពុធ ទី៨ ខែមេសា សហរដ្ឋអាមេរិកមានអ្នកឆ្លងជំងឺកូវីដ១៩ រហូតដល់ទៅ ៤០០ ៤១២ករណីហើយដែលជាចំនួនច្រើនជាងគេបង្អស់ក្នុងពិភពលោក តាមពីក្រោយដោយអេស្ប៉ាញមានអ្នកឆ្លង ១៤១ ៩៤២នាក់៕