ក្បួនព្យុះហយាត្រាបុណ្យសមុទ្រ ២០១៦នេះ មានអ្វីពិសេសទៅ?

2016-12-23 02:17:57
ព័ត៌មាន

2016-12-23 02:17:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្បួនព្យុហយាត្រា ត្រៀមបង្ហាញក្នុងពិធីបុណ្យសមុទ្រ នាថ្ងៃទី ២៤ធ្នូ ២០១៦ ស្អែកនេះ នឹងរៀបចំចេញជា ២៤ក្រុម ចែកជា៤ផែន សម្រាប់អបអរនាថ្ងៃពិសេសនោះ ចាប់ពីវេលាម៉ោង ៥:៥០នាទីរសៀល ដល់ ៦:៣០នាទីរសៀល។ នេះបើយោងតាមសេចក្ដីព្រាងរបស់ក្រសួងទេសចរណ៍។

សកម្មភាពបើក បុណ្យសមុទ្រ ឆ្នាំមុន

សម្រាប់ក្បួនព្យុហយាត្រាដែលនឹងត្រូវរៀបចំមានដូចជា៖

ផែនទី១ ផ្នែកវប្បធម៌ ២២៦នាក់

១. ព្រាបសនាំមុខ ២៥នាក់ (ដោយមន្ទីរវប្បធម៌ និងវិចិត្រសិល្បៈខេត្តព្រះសីហនុ សហការជាមួយអង្គការម្លប់តាប៉ាង)

២. របាំឆៃយ៉ាំ ១០នាក់ (ដោយមន្ទីរវប្បធម៌ និងវិចិត្រសិល្បៈខេត្តព្រះសីហនុ)

៣.របាំជូនពរ ០៧នាក់ (ដោយមន្ទីរវប្បធម៌ និងវិចិត្រសិល្បៈខេត្តព្រះសីហនុ)

៤. របាំសម្រស់ឆ្នេរ ៧៨នាក់ (ដោយមន្ទីរវប្បធម៌ និងវិចិត្រសិល្បៈ សហការជាមួយសហភាពសហព័ន្ធយុវជនកម្ពុជាខេត្តព្រះសីហនុ)

៥. របាំជីវចំរុះ ២៤នាក់ (ដោយមន្ទីរវប្បធម៌ និងវិចិត្រសិល្បៈខេត្តព្រះសីហនុ)

៦. ពន្លកបៃតង ២០នាក់ (ដោយក្រុមកុមារនៃសាលាភូមិន្ទវិចិត្រសិល្បៈ)

៧. សិល្បករបរទេស មាន៥ប្រទេស (វៀតណាម ១៣នាក់ ថៃ ១៣នាក់ ឥណ្ឌូណេស៊ី ១៤នាក់ ចិន ១២នាក់ និងឥណ្ឌា ១០នាក់)

ផែនទី២ អត្តសញ្ញាណឆ្នេរ ២៤០នាក់

១. រ៉ឺម៉កប្រើថាមពលព្រះអាទិត្យ ដឹក Light Box អំពី Logo ឆ្នេរ (វិទ្យាសា្ថនជាតិពហុបច្ចេកទេសកម្ពុជា NPIC )

២. អ្នកកាន់ Surf-Board តំណាងសមាជិកឆ្នេរ ២៤ប្រទេស (ដោយក្រុម BN Media និង Pop Cambodia)

៣. ក្រុមនាំមុខ (Logo NPIC ទង់ជាតិ និងទង់ឈ្វាលា) ២៨នាក់

៤. ក្បួនទូកទេសចរណ៍ និងនេសាទ របស់វិទ្យាស្ថាន NPIC ១៦នាក់

៥. ក្រុមបច្ចេកវិទ្យាវិស្វកម្ម របស់វិទ្យាស្ថាន NPIC ៣០នាក់

៦. ម៉ូតូឌុប ២០គ្រឿង ម៉ូតូកង់បី ១៥គ្រឿង រថយន្តទីកូ ០៦គ្រឿង និងតាក់ស៊ី ០៦គ្រឿង មានពាក់ឯកសណ្ឋានអាវកាក់សំគាល់ (រៀបចំដោយស្នងការខេត្តព្រះសីហនុ)

៧.ចុងភៅ ២០នាក់ (រៀបចំដោយសមាគមចុងភៅកម្ពុជា)

៨. ក្រុមកម្មករកំពង់ផែ ២០នាក់ (ខេត្តព្រះសីហនុរៀបចំ)

៩. ក្រុមឆ្មាំសមុទ្រ ១៦នាក់ (មន្ទីរទេសចរណ៍ ខេត្តព្រះសីហនុរៀបចំ)

១០. មគ្គុទ្ទេស៍ទេសចរណ៍តំបន់ឆ្នេរ ៣៨នាក់ (មន្ទីរទេសចរណ៍ខេត្តព្រះសីហនុរៀបចំ)

សកម្មភាពបើក បុណ្យសមុទ្រ ឆ្នាំមុន

ផែនទី៣ ផ្នែកកីឡា រៀបចំដោយគណៈកម្មាធិការជាតិអូឡាំពិកកម្ពុជា ៥០នាក់

១. ក្រុមទូកក្តោង

២. ក្រុមជិះកង់

៣. ក្រុមកីឡាក្ដាររំអិល Skate Board

៤. ក្រុមបាល់ទះ បាល់ទាត់ឆ្នេរខ្សាច់

៥. ក្រុមកីឡាប្រពៃណីជាតិ (ល្បុក្កតោ ប្រដាល់គុណខ្មែរ ចំបាប់បុរាណ)

ផែនទី៤ ផ្នែកយុវជនកាយរិទ្ធ និងមហាជន ២៨០នាក់

១. យុវជន យុវនារី ២៤០នាក់ សមាគមសិស្ស និស្សិត អាហារូបករណ៍សម្ដេចតេជោ ៦០នាក់ សហភាពសហព័ន្ធយុវជនកម្ពុជា ៦០នាក់ កាកបាទក្រហម ៦០នាក់ កាយរិទ្ធ ៦០នាក់ (រៀបចំដោយខេត្តព្រះសីហនុ)

២. មហាជនកាន់ប៉េងប៉ោង ផ្កាក្រដាស និងទង់ជាតិតូចគ្រវី ៤០នាក់ (រៀបចំដោយខេត្តព្រះសីហនុ) សរុប ៧៩៦នាក់៕