- 2017-09-15 02:27:29
- ព័ត៌មាន
ក្រោយទទួលពានរង្វាន់ផ្នែកបរិស្ថាន ខេត្តកែបលេងមួយអស់ដៃតែម្ដង
- 2017-09-15 02:27:29
- ចំនួនមតិ 0 | ចំនួនចែករំលែក 0
ក្រោយទទួលពានរង្វាន់ផ្នែកបរិស្ថាន ខេត្តកែបលេងមួយអស់ដៃតែម្ដង
ចន្លោះមិនឃើញ
ក្រោយទទួលបានពានរង្វាន់ទីក្រុងនិរន្តរភាពបរិស្ថានអាស៊ាន រដ្ឋបាលខេត្តកែប បានរៀបចំពិធីដង្ហែយ៉ាងអធិកអធម កាលម្សិលមិញនេះ ដោយមានការចូលរួមពី ឯកឧត្ដម កែន សត្ថា អភិបាល នៃគណៈអភិបាលខេត្តទៀតផង។
ក្រៅពីនោះរួមមាន ឯកឧត្ដម ងួន ប៊ៀន តំណាងរាស្ត្រមណ្ឌលខេត្តកែប ឯកឧត្ដម លោកជំទាវសមាជិកសមាជិកា ក្រុមប្រឹក្សាខេត្ត អភិបាលរងខេត្ត ប្រធាន អនុប្រធានមន្ទីរអង្គភាពជុំវិញខេត្ត កងកម្លាំងទាំងបី ថ្នាក់ដឹកនាំមន្ត្រីក្រុង ស្រុក ឃុំសង្កាត់។ បន្ថែមលើពីនេះទៀត ក្រុមការងារយុវជន សិស្សានុសិស្ស ប្រជាពលរដ្ឋ អាជីវករទូទាំងខេត្តកែប ក៏ចូលរួមដែរ សរុបប្រមាណជាង១០០០នាក់ឯណោះ ។ នេះបើតាមទំព័រហ្វេសប៊ុករបស់ក្រសួងបរិស្ថាន។
សូមជម្រាបជូនថា ពានរង្វាន់ទីក្រុងនិរន្តរភាពបរិស្ថានអាស៊ាន ដែលទីក្រុងកែប ខេត្តកែបទទួលបានក្នុងកិច្ចប្រជុំថ្នាក់រដ្ឋមន្ត្រីបរិស្ថានអាស៊ាន ស្ដីពីបរិស្ថានលើកទី១៤ នៅទីក្រុងដារុយសាឡឹម ប្រទេសប្រ៊ុយណេ កាលពីថ្ងៃទី១២ ខែកញ្ញា ឆ្នាំ២០១៧។
គួរបញ្ជាក់ដែរថា កន្លងមករដ្ឋបាលខេត្តកែប ធ្លាប់ទទួលបានពានរង្វាន់កិត្តិយសជាបន្តបន្ទាប់ដូចជា៖ ផ្ការំដួលបីទង ប័ណ្ណមេត្រីភាពសម្រាប់អង្គភាព បុគ្គល សាលារៀន រីស៊ត ដែលមានប្រតិបត្តិការ លើការងារបរិស្ថានល្អទៀតផង៕
