- 2017-10-07 03:04:57
- ព័ត៌មាន
កម្ពុជារំពឹងស្រូបបានភ្ញៀវទេសចរជប៉ុនជាង ៣០ម៉ឺននាក់នៅឆ្នាំ ២០២០
- 2017-10-07 03:04:57
- ចំនួនមតិ 0 | ចំនួនចែករំលែក 0
កម្ពុជារំពឹងស្រូបបានភ្ញៀវទេសចរជប៉ុនជាង ៣០ម៉ឺននាក់នៅឆ្នាំ ២០២០
ចន្លោះមិនឃើញ
ក្រសួងទេសចរណ៍បានដាក់ផែនការយុទ្ធសាស្ត្រ ទីផ្សារ នឹងជម្រុញការទាក់ទាញភ្ញៀវទេសចរជប៉ុនឲ្យបានជាង ៣០ម៉ឺននាក់ក្នុងឆ្នាំ ២០២០ ស្របពេលដែលកម្ពុជាក៏រំពឹងទទួលទេសចរអន្តរជាតិសរុប ៧លាននាក់។
ឯកឧត្តម ថោង ខុន រដ្ឋមន្ត្រីនៃក្រសួងទេសចរណ៍ ថ្លែងក្នុងសិក្ខាសាលាស្ដីពីការផ្សព្វផ្សាយទេសចរណ៍ និងការទាក់ទាញទេសចរជប៉ុនមកទស្សនាកម្ពុជា នៅសណ្ឋាគារ Empress Angkor ក្រុងសៀមរាប ម្សិលមិញនេះថា កិច្ចសហការរបស់មជ្ឈមណ្ឌលអាស៊ានជប៉ុន បាននាំមកនូវអត្ថប្រយោជន៍សេដ្ឋកិច្ច សង្គម ការយល់ដឹងអំពីតម្លៃវប្បធម៌ និងប្រយោជន៍ ក្នុងការរួមចំណែកដល់ការអភិវឌ្ឍធានមនុស្ស ក្នុងវិស័យទេសចរណ៍កម្ពុជា ។
ទន្ទឹងនឹងនេះ អ្នកធ្វើការនៅក្នុងវិស័យទេសចរណ៍ ស្ថាប័នទាំងឯកជន និងរដ្ឋទាំងអស់ គប្បីស្វែងយល់អំពីភាសា ប្រវត្តិសាស្ត្រ វប្បធម៌ របៀបនៃការរស់នៅប្រពៃណី ចរិកលក្ខណៈ និន្នាការនៃកំណើនទេសចរជប៉ុន ក៏ដូចជាតម្រូវការជាក់ស្ដែងរបស់ទីផ្សារទេសចរណ៍ជប៉ុនឲ្យបានច្បាស់ នោះទើបការអនុវត្តយុទ្ធសាស្ត្រមានប្រសិទ្ធិភាព។ ឯកឧត្តមរដ្ឋមន្ត្រីគូសបញ្ជាក់បន្ថែម។
ឯកឧត្តមរដ្ឋមន្ត្រីឲ្យដឹងថា បច្ចុប្បន្នទេសចរណ៌ប្រទេសទាំងពីរសម្រេចបានការតភ្ជាប់ជើងហោះហើរត្រង់ ពីជប៉ុនមកកម្ពុជា ដែលបានរួមចំណែកធ្វើឲ្យមានកំណើនភ្ញៀវទេសចរជប៉ុន មកទស្សនាកម្ពុជា បានចំនួន ១៩១ ៥៧៧នាក់ កាលពីឆ្នាំ២០១៦ កន្លងទៅ ឈរលំដាប់លេខរៀងទី៧ ផងដែរ ។ ឯកឧត្តមរំពឹងឆ្នាំ ២០២០ កម្ពុជានឹងទទួលបានភ្ញៀវទេសចរជប៉ុនប្រមាណ ៣០ ម៉ឺននាក់។
គូសបញ្ជាក់ថា រយៈពេល ៨ខែដើមឆ្នាំ២០១៧ កម្ពុជាទទួលបានភ្ញៀវទេសចរអន្តរជាតិ ចំនួន ៣ ៥៣៦ ៥៣០នាក់ កើនឡើង ១១.៨% ធៀបនឹងរយៈពេលដូចគ្នាក្នុងឆ្នាំ២០១៦។ តាមការព្យាករណ៍ កម្ពុជានឹងទទួលបានទេសចរអន្តរជាតិប្រមាណ ៥លាន ៤សែននាក់នៅឆ្នាំ២០១៧និងចំណូលសរុបប្រមាណ ៥ពាន់លានដុល្លារអាមេរិក ហើយបង្កើនឱកាសការងារបានប្រមាណ ១លាននាក់ និងរំពឹងថា ភ្ញៀវទេសចរអន្តរជាតិមកកម្ពុជា នឹងឈានដល់ ៧លាននាក់ នៅឆ្នាំ២០២០៕