- 2018-05-26 06:51:44
- សេដ្ឋកិច្ច
ធ្វើហើយរាប់ឆ្នាំ អគារវឌ្ឍនៈទើបសម្ពោធជាផ្លូវការនៅថ្ងៃនេះ
- 2018-05-26 06:51:44
- ចំនួនមតិ 0 | ចំនួនចែករំលែក 0
ធ្វើហើយរាប់ឆ្នាំ អគារវឌ្ឍនៈទើបសម្ពោធជាផ្លូវការនៅថ្ងៃនេះ
ចន្លោះមិនឃើញ
អគារដ៏ខ្ពស់មួយនៅរាជធានីភ្នំពេញ តាមបណ្ដោយមហាវិថីព្រះមុន្នីវង្ស គេស្គាល់យូរដែរថា អគារ វឌ្ឍនៈ ប្រកាសសម្ពោធជាផ្លូវការ បន្ទាប់ពីអគារនេះ បានដាក់ជួលការិយាល័យស្ទើរតែពេញតាំងពី ៤ឆ្នាំមុន។
អគារតម្លៃជាង ១០០លានដុល្លារនេះ បានបញ្ចប់ការសាងសង់ទាំងស្រុងកាលពីឆ្នាំ ២០១២ ខណៈការបើកសម្ពោធលើកដំបូង នឹងចាប់ផ្ដើមនៅល្ងាចថ្ងៃទី ២៦ ឧសភានេះ រួមគ្នាជាមួយការបើកដំណើរការសណ្ឋាគារលំដាប់ផ្កាយប្រាំ Rosewood នៅជាន់ ទី៣៩ ផុតគេនៅក្នុងអគារនេះផងដែរ។ នេះបើតាមសេចក្ដីជូនរបស់ក្រុមហ៊ុន Vattanak Capital។
អគារដ៏ខ្ពស់កណ្ដាលក្រុងនេះ ត្រូវបានគេដាក់រហ័សនាមថា «ចក្កវាឡប្លែកគេ» មានកម្ពស់ ៣៩ ជាន់ស្មើនឹងកម្ពស់សរុប ១៨៦ ម៉ែត្រ គឺជាអគារពាណិជ្ជកម្ម និងបណ្តុំសេវាកម្មចម្រុះជាច្រើនដូចជា ទីតាំងសម្រាប់ប្រើប្រាស់ធ្វើជាការិយាល័យធ្វើការសណ្ឋាគារ ភោជនីយដ្ឋាន ផ្សារទំនើប ព្រមទាំងមានហាងលក់ទំនិញដែលមានម៉ាកល្បីៗលំដាប់អន្តរជាតិទៀតផង។
អគារ ត្រូវបែងចែកជាបីផ្នែក គឺចាប់ពីជាន់ក្រោមដីនិងផ្នែកខ្លះនៃជាន់ ទី១ គឺជាផ្សារទំនើប ចំណែកចាប់ពីជាន់ ទី១ ដល់ជាន់ ទី២ គឺជាការិយាល័យកណ្តាលរបស់ធនាគារ វឌ្ឍនៈ រីឯចាប់ពីជាន់ ទី៣ ទៅដល់ជាន់ ទី២៣ ជាទីតាំងអគារការិយាល័យជួល និងចាប់ពីជាន់ ទី២៥ ដល់ជាន់ ទី៣៩ គឺជាសណ្ឋាគារលំដាប់ផ្កាយប្រាំ មកពី សហរដ្ឋអាមេរិក៕