- 2018-06-14 09:32:21
- ព័ត៌មាន
ម្ចាស់ដីអាចអាស្រ័យផល ឬកាប់មែកឈើអ្នកជិតខាងដែលលយចូលក្នុងដីខ្លួនបានឬទេ?
- 2018-06-14 09:32:21
- ចំនួនមតិ 0 | ចំនួនចែករំលែក 0
ម្ចាស់ដីអាចអាស្រ័យផល ឬកាប់មែកឈើអ្នកជិតខាងដែលលយចូលក្នុងដីខ្លួនបានឬទេ?
ចន្លោះមិនឃើញ
ប្រជាពលរដ្ឋដែលមានព្រំដីជាប់គ្នាធ្លាប់ដឹងទេថាម្ចាស់កម្មសិទ្ធដីអាចកាប់ ឆ្ការមែកឈើ ឬអាចបេះផ្លែឈើដែលចេញពីមែកលយចូលក្នុងដីកម្មសិទ្ធរបស់ខ្លួនបាន? ម្ចាស់កម្មសិទ្ធដីពិតជាអាចធ្វើដូចនេះបាន នេះបើតាមច្បាប់ភូមិបាល។
ក្នុងច្បាប់ភូមិបាលមាត្រា៩១ បានចែងយ៉ាងច្បាស់ថាកម្មសិទ្ធិករនៃផ្ទៃដីក៏ជាកម្មសិទ្ធិករនៃលំហអាកាសនៅពីលើដីកម្មសិទ្ធិរបស់ខ្លួនផងដែរ។ ជាងនេះទៅទៀតម្ចាស់ដីអាចកាប់ ឆ្ការ ឬទទួលផលពីផ្លែកឈើនៅមែកដែលលយចូលក្នុងលំហកម្មសិទ្ធិរបស់ខ្លួនបានទៀតផង។
មាត្រា៩១ចែងថា៖ «កម្មសិទ្ធិករនៃផ្ទៃដីក៏ជាកម្មសិទ្ធិករនៃលំហអាកាស និងវត្ថុធាតុអចិន្ត្រៃយ៍ដែលស្ថិតចំពីលើដីរបស់ខ្លួន លើកលែងតែបណ្តាញខ្សែអគ្គិសនី និងទូរគមនាគមន៍ដែលចែងដោយច្បាប់ដោយឡែក។ ជាពិសេសកម្មសិទ្ធិករអាចកាប់មែកឈើអ្នកជិតខាងដែលលយចូលមកលើកម្មសិទ្ធិរបស់ខ្លួន ឬបេះយកផលផ្លែឈើនោះបាន»៕