- 2018-07-23 09:30:00
- សុខភាព
២៣មុខ អាថ៌កំបាំង សម្រាប់កូនង៉ែត និងអ្នកម្ដាយថ្មីថ្មោងជីវភាពមធ្យម គួរមាន កុំឲ្យទិញហើយស្តាយលុយ
- 2018-07-23 09:30:00
- ចំនួនមតិ 0 | ចំនួនចែករំលែក 0
២៣មុខ អាថ៌កំបាំង សម្រាប់កូនង៉ែត និងអ្នកម្ដាយថ្មីថ្មោងជីវភាពមធ្យម គួរមាន កុំឲ្យទិញហើយស្តាយលុយ
ចន្លោះមិនឃើញ
អារម្មណ៍អ្នកម្ដាយក្រោយដឹងថាខ្លួនមានកូនដំបូងៗ គឺពិតជារំភើប រកអ្វីប្រៀបមិនបាន។
ដើម្បីស្វាគមន៍ សមាជិកតូច មុនពេលថ្ងៃចេញមកឃើញពន្លឺព្រះអាទិត្យ ច្បាស់ណាស់ គ្រួសារពិសេសអ្នកម្ដាយ គឺតែងតែមានគម្រោងទិញរបស់ស្អាតៗ ទុកឲ្យកូន។
សូមកុំគិតថាវារឿងតូចតាច បើមិនបានត្រៀមសោះនោះ គឺពិតជាយ៉ាប់ហើយ ពេលកូនកើតមក រត់បះដៃ បះជើង ហើយរកតែរបស់ប្រើមិនបានផង។
ប្រាកដណាស់ សម្ភារៈម្ដាយនិងកូនង៉ែត មានច្រើនទៅតាមអ្នកប្រើ និងលទ្ធភាព។ ប៉ុន្តែ ត្រូវធានាថា សម្ភារៈដែលបានចាយលុយទិញនោះ មានគុណភាព និងអនាម័យកម្រិតណា សម្រាប់ស្បែកទារកដ៏ទន់ រលោងខ្ចីនោះ។
ចំណុចនេះ ចំពោះអ្នកមានជីវភាពធូរធារ គឺមិនបាច់ខ្វល់ ឬគិតច្រើនទេ គឺដើរទិញមួយអស់ដៃ ហើយសុទ្ធតែប្រេនៗទៀត ពេលទើបមានកូនទី១អីចឹង គ្មានបារម្ភរឿងចាយអស់ប៉ុន្មាន។
ខុសពីអ្នកមាន ករណីអ្នកម្ដាយសម័យថ្មីវៃឆ្លាត ពិសេសអ្នកមានជីវភាពមធ្យម ត្រូវស្វែង ស្រាវជ្រាវរករបស់ដែលល្អ តែមានតម្លៃសមរម្យ។ ហើយសម្ភារៈណាមិនសូវសំខាន់ គឺមិនទិញតែម្ដង កុំឲ្យខាតលុយ។
សម្ភារៈទាំងនោះ គឺចាំបាច់អត់ទិញមិនបាន ដូច្នេះអ្នកម្ដាយ តោងត្រូវដឹងរបស់ណាដែលសំខាន់ សម្រាប់កូនជាទីស្រលាញ់ កើតមកមានរបស់ប្រើដូចគេ ដូចឯង ហើយចាយលុតតិច មុនថ្ងៃសម្រាលចូលមកដល់។
ខាងក្រោមនេះ ជាការចែករំលែកមកកាន់ Sabay ដែលក្រុមអ្នកម្ដាយសម័យថ្មី និងជីវភាពមធ្យមមានបទពិសោធន៍ ត្រៀមសម្ភារៈសម្រាប់ទារក និងខ្លួនឯងចំនួន ២៣មុខ ទុកប្រើ ត កូន ឬក្មួយ គ្រប់គ្រាន់ ហើយចំណាយសមរម្យ ទិញមិនច្រើនពេក និងស្ដាយលុយជាដើម។
ក្រុមអ្នកម្ដាយសម័យថ្មី បានរៀបរាប់លម្អិតពីប្រភេទ និងតម្លៃសម្ភារៈសម្រាប់ អ្នកម្ដាយ និងទារក ដែលជាការចែករំលែកសំខាន់ សម្រាប់អ្នកម្ដាយថ្មីថ្មោង ដែលចាំបាច់ត្រូវមាន មុនពេលសម្រាលកូន។
សម្ភារៈសម្រាប់ម្ដាយ
១. អត់មិនបានទេ ត្រូវត្រៀមកក់កន្លែងពេទ្យសម្ភព ដែលទុកចិត្ត និងមានគុណភាពទទួលយកបាន ដើម្បីទៅសម្រាលកូន ដោយសុវត្ថិភាពទាំងម្ដាយ និងកូន
២. ត្រៀមឯកសារពាក់ព័ន្ធនឹងការសម្រាល និងថវិកាទុកចំណាយនានា
៣. រៀបចំការងារនៅការិយាល័យ និងការងារផ្ទះ មុនពេលសម្រាក
៤. ស្វែងរកជំនួយការ ឬអ្នកជួយកំដរ ១ ឬ២នាក់ អំលុងពេលនៅពេទ្យ
៥. ទិញស្រោមដៃ ស្រោមជើងម្ដាយ ៣ ឬ៤គូរ ១គូ តម្លៃប្រហែល ពីរពាន់រៀល
៦. មួកស្ត្រីកូនខ្ចី សម្រាប់ម្ដាយ ១ តម្លៃប្រហែល ២ដុល្លារ
៧. សារុងកៅស៊ូម្ដាយ ១ តម្លៃប្រហែល ២ដុល្លារ
៨. ខោទឹកនោម (មនុស្សចាស់ទុកឲ្យអ្នកម្ដាយស្លៀកក្រោយសម្រាល ការពារធ្លាក់ឈាម) ១ដុំ តម្លៃប្រហែល ១០ដុល្លារ
៩. សំឡីអនាម័យធម្មតា តម្លៃប្រហែល ១ដុល្លារ
១០. កន្ទ្រួកជ័រ ឬការបូប ដាក់អីវ៉ាន់ តម្លៃប្រហែល ៤ដុល្លារ
១១. អាវទ្រនាប់សម្រាប់បំបៅកូន តម្លៃប្រហែល ២ដុល្លារ
១២. ខោទ្រនាប់អ្នកមានផ្ទៃពោះ តម្លៃប្រហែល ២ដុល្លារ
១៣. ចានដែកងូតទឹកទារក តម្លៃប្រហែល ១២ដុល្លារ (សម្រាប់អ្នកគ្មានចាស់ៗជួយយកកូនងូតទឹក)
សម្ភារៈសម្រាប់ទារក
១. ស្រោមដៃ ស្រោមជើងទារក មួក (១ឈុត) តម្លៃប្រហែល ៧ដុល្លារ
២. ពូកឈុតកូនង៉ែត ថ្លៃ តម្លៃប្រហែល ១៥ ឬ២០ដុល្លារ
៣. ប្រដាប់រុំពោះទារក តម្លៃប្រហែល ១ដុល្លារ (ការពារអនាម័យពេលទងផ្សិតទារកមិនទាន់ជ្រុះ)
៥. កន្សែងរុំទារកពេលងូតទឹក តម្លៃប្រហែល ៣ដុល្លារ
៦. កន្សែងពោះគោ តម្លៃប្រហែល ៣ដុល្លារ
៧. ខោទឹកនោម (បកបិទទារក) ១ដុំ តម្លៃប្រហែល ៩ដុល្លារ
៨. ខោអាវទារក ពាក់បានរហូតពេលចេញខែ ១ទ្បូ តម្លៃប្រហែល ១០ដុល្លារ
៩. កំប៉ុងទឹកដោះគោទារក និងម្សៅទឹកដោះគោ ១ឈុតពេល តម្លៃប្រហែល ៣០ដុល្លារ (ម៉ាកមធ្យម)
១០. ថ្នាំ ឬប្រេង លាបពោះទារក តម្លៃប្រហែល ៤ដុល្លារ