- 2018-07-31 08:10:52
- ព័ត៌មាន
ចម្កាផ្កាពណ៌លឿងលើផ្ទៃដីរាប់រយហិកតាស្អាតបំផុតនៅកំពង់ស្ពឺ ដល់រដូវរីកជាថ្មី
- 2018-07-31 08:10:52
- ចំនួនមតិ 0 | ចំនួនចែករំលែក 0
ចម្កាផ្កាពណ៌លឿងលើផ្ទៃដីរាប់រយហិកតាស្អាតបំផុតនៅកំពង់ស្ពឺ ដល់រដូវរីកជាថ្មី
ចន្លោះមិនឃើញ
ចម្ការផ្កាពណ៌លឿងដ៏ល្បីល្បាញនៅខេត្តកំពង់ស្ពឺ ចាប់ផ្ដើមដល់រដូវរីកជាថ្មីម្ដងទៀតហើយ។ លាតសន្ធឹងលើផ្ទៃដីរាប់រយហិកតា ហើយថែមទាំងហ៊ុមព័ទ្ធដោយចម្ការអំពៅដ៏វែងអន្លាយដាច់កន្ទុយភ្នែកផងនោះ បានធ្វើឲ្យទិដ្ឋភាពនៅទីនោះស្រស់ស្អាតរកថាមិនត្រូវ។ វីរៈ ទើបតែទៅលេងកម្សាន្តថ្មីៗនេះ ប្រាប់ថា ក្នុងការចូលទស្សនាម៉ូតូ១គ្រឿងតម្លៃ ៥ពាន់រៀល។ រីឯឡានមួយគ្រឿងតម្លៃ ១ម៉ឺន៥ពាន់រៀល។
លោក លីវ សុខគា ជាអ្នកភូមិក្បែរនោះប្រាប់ថា តាមពិតទៅផ្កាដ៏ស្រស់បំព្រងនោះ គេព្រោះដើម្បីទុកធ្វើជាជីដាំដំណាំអំពៅរបស់ក្រុមហ៊ុនមួយប៉ុណ្ណោះ។ ប៉ុន្តែនៅពេលដែលវាចេញផ្កា បានរំលេចជាទេសភាពដ៏ស្រស់ស្អាតបំផុត ហើយកំពុងទាក់ទាញមនុស្សម្នាជាច្រើនប្រាថ្នាទៅដល់ទីនោះ។ បុរសរូបនេះប្រាប់ទៀតថា នៅពេលដែលផ្កាចាប់ផ្ដើមរុះរោយ គឺដល់ពេលត្រូវឈូសចោល ជំនួសដោយដំណាំអំពៅវិញ ចំណែកផ្កាទាំងនោះនឹងក្លាយជាជីដ៏មានជីវជាតិ សម្រាប់ដំណាំអំពៅ។ យ៉ាងណាក្ដី ផ្កាដ៏ស្រស់បំព្រងនេះនឹងមានសាជាថ្មីម្ដងទៀត បន្ទាប់ពីដំណាំអំពៅត្រូវបានប្រមូលផលរួចរាល់។
គួរជម្រាបជូនថា ផ្កាស្នោកំពុងរីកយ៉ាងស្គុះស្គាយលើផ្ទៃដីរាប់ហិចតានេះ ស្ថិតនៅតាមផ្លូវទៅទឹកធ្លាក់ជ្រាវក្នុងខេត្តកំពង់ស្ពឺ ក្នុងភូមិអូរដារ ឃុំអមលាំង ស្រុកថ្ពង បានក្លាយជាទីតាំងដ៏ទាក់ទាញសម្រាប់អ្នកដំណើរនានា និងមានចម្ងាយប្រមាណ ៥០គីឡូម៉ែត្រប៉ុណ្ណោះពីទីរួមខេត្ត៕