បើមានចំណុចទាំងនេះ ឆាប់ទៅជួបពេទ្យជាបន្ទាន់ កុំឲ្យជំងឺរលាកខួរក្បាល សម្លាប់អ្នកទាន់

2018-08-03 05:40:00
សុខភាព

2018-08-03 05:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រោគសញ្ញាមួយចំនួន នៃជំងឺលាកខួរក្បាល មានលក្ខណៈសម្គាល់ស្រដៀងជំងឺផ្ដាសាយ។ តាមរយៈការសិក្សាមួយ បានបញ្ជាក់ថា ជំងឺលាកខួរក្បាល វាពិតជាងាយធ្វើឲ្យយើងច្រឡំណាស់ ជាមួយអាការៈក្ដៅខ្លួន ផ្តាសាយ ព្រោះជំងឺនេះ ភាគច្រើនមិនសូវចេញរោគសញ្ញាឲ្យយើងដឹងមុន ឬគ្រាន់តែលេចអាការៈស្រាលៗ មិនឲ្យយើងចាប់អារម្មណ៍ផងក៏មាន។

ចំណុចនេះ វាជាការពិបាក ដែលក្រុមវេជ្ជបណ្ឌិតជំនាញបានបញ្ជាក់ថា គឺយើងមិនអាចដឹងភ្លាមៗទេ ប៉ុន្តែតាមរយៈការធ្វើរោគវិនិច្ឆ័យភាគច្រើន បានរកឃើញថា ជំងឺនេះ គឺឆ្លងដោយសារវីរុស ៤ប្រភេទ មានដូចជា វីរុស បាក់តេរី ផ្សិត និងប៉ារ៉ាស៊ីត។

ដើម្បីចៀសវាងគ្រោះថ្នាក់ នៃជំងឺសាហាវមួយប្រភេទនេះ តាមរយៈអត្ថបទសុខភាព Sabay សូមលើកយកចំណុចសំខាន់ៗ ទាក់ទងនឹងផលវិបាក និងការព្យាបាល ជំងឺរលាកខួរក្បាល ដែលអ្នកជំងឺគួរយល់ដឹង។

១. ផលវិបាក

ចំណុច ដែលគួរប្រយ័ត្ន នៃជំងឺរលាកខួរក្បាល យោងទៅតាមកត្តាជាច្រើន មានដូចជា កត្តាអាយុ មូលហេតុ ភាពធ្ងន់ធ្ងរនៃជំងឺ និងពេលវេលា នៃការចាប់ផ្ដើម មានជំងឺរហូតដល់ការព្យាបាល។

២. ករណីកម្រិតជំងឺស្រាល

ករណីភាគច្រើន មនុស្សដែលមានកម្រិតជំងឺស្រាល នឹងអាចជាមកវិញក្នុងរយៈពេល ២ ឬ៣ សប្ដាហ៍ ដោយមិនមានផលវិបាកអ្វីយូរអង្វែង។

៣. ផលវិបាក នៃអ្នកជំងឺធ្ងន់ធ្ងរ

គ្រោះថ្នាក់ទៅលើខួរក្បាល ដោយសារការរលាក អាចបណ្ដាលមកពីបញ្ហាមួយចំនួន ។ ករណីធ្ងន់ធ្ងរភាគច្រើនអាចធ្វើឲ្យ អ្នកជំងឺឈប់ដកដង្ហើម សន្លប់ ឬស្លាប់។

ផលវិបាក ១០ចំណុច ផ្សេងៗទៀត អាចកើតជាប់គ្នារហូតជាច្រើនខែដូចជា។

អស់កម្លាំង
ខ្សោយ
បញ្ហាដល់សតិអារម្មណ៍

ប្រែប្រួលអត្តចរិតផ្ទាល់ខ្លួន
បញ្ហាលើការចងចាំ
អសមត្ថភាពខាងបញ្ញា
កង្វះខាតខាងការគ្រប់គ្រងសាច់ដុំ
ស្លាប់មួយចំហៀងខ្លួន
មានបញ្ហាក្នុងការស្ដាប់ ឬមើល

មានបញ្ហាក្នុងការនិយាយ។

៣. ការការពារ

មធ្យោបាយដ៏ល្អបំផុតសម្រាប់ការពារជំងឺរលាកខួរក្បាល ដោយសារវីរុស គឺចៀសវាងការប្រឈមនឹងវីរុស សូមអនុវត្តន៍អនាម័យអោយបានល្អ ដោយត្រូវ

លៀងដៃអោយញឹកញាប់ និងដោយសាប៊ូ ជាពិសេសក្រោយចេញពីបន្ទប់ទឹក មុន និងក្រោយបរិភោគអាហារ

មិនត្រូវប្រើរបស់របបទទួលទានអាហាររួមគ្នា

បង្រៀនកូនរបស់អ្នកអោយមានទម្លាប់ល្អ បង្រៀនពួកគេអោយចេះមានអនាម័យ និងចៀសវាងការប្រើរបស់រួមគ្នាទាំងក្នុងផ្ទះ និងសាលារៀន

ចាក់វ៉ាក់សាំង ចូរការពារកូនរបស់អ្នកដោយការចាក់វ៉ាក់សាំង។ មុនពេលធ្វើដំណើរ ចូរទៅពីគ្រោះជាមួយគ្រូពេទ្យអំពីការចាក់វ៉ាក់សាំង។

៤. ការព្យាបាល

ការព្យាបាលលើជំងឺ ដែលស្រាលមានដូចជា សម្រាកអោយបានច្រើន ទទួលទានទឹកអោយបានច្រើន និង ប្រើថ្នាំប្រឆាំងនឹងការរលាក តាមវេជ្ជបញ្ជាគ្រូពេទ្យជំនាញ ដើម្បីបំបាត់ការឈឺក្បាល និងក្ដៅខ្លួន។

សូមបញ្ជាក់ថា ប្រសិនបើករណីជំងឺធ្ងន់ ចាំបាច់ត្រូវប្រញាប់ទៅជួបគ្រូពេទ្យជំនាញជាបន្ទាន់ ចៀសវាង នាំគ្រោះថ្នាក់ដល់ជីវិត។

ប្រភព៖ Health.com.kh ប្រែសម្រួល៖ ពៅ រក្សា