- 2018-11-02 06:57:58
- ព័ត៌មាន
ភ្ញាក់ផ្អើលទាំងកណ្ដាលថ្ងៃ ករណីបាក់ដីនៅខេត្តកំពង់ចាមនៅចំណុចសួនច្បារទើបធ្វើរួច
- 2018-11-02 06:57:58
- ចំនួនមតិ 0 | ចំនួនចែករំលែក 0
ភ្ញាក់ផ្អើលទាំងកណ្ដាលថ្ងៃ ករណីបាក់ដីនៅខេត្តកំពង់ចាមនៅចំណុចសួនច្បារទើបធ្វើរួច
ចន្លោះមិនឃើញ
នារសៀលថ្ងៃទី០២ វិច្ឆិកា ឆ្នាំ២០១៨នេះ មានករណីស្រុតច្រាំងទន្លេ ស្រុតជណ្ដើរចុះអូប័រនិងស្រុតសួនច្បារម្ដុំរូបសំណាកដំរី ស្ថិតនៅភូមិ១១ សង្កាត់កំពង់ចាម ក្រុងកំពង់ចាម ខេត្តកំពង់ចាម។
បើតាមប្រភពពីរដ្ឋមន្ត្រីក្រសួងព័ត៌មាន ឯកឧត្តម ខៀវ កញ្ញារិទ្ទ ឲ្យដឹងនាមុននេះថា សួនច្បារម្ដុំរូបសំណាកដំរី របស់ខេត្តកំពង់ចាមបានបាក់ស្រុតដី ដែលមានទទឹង ៤ម៉ែត្រ បណ្ដោយ ១៥០ម៉ែត្រ។
យ៉ាងណាមិញ ក្រុមការងារ Sabay មិនអាចទាក់ទងព័ត៌មានបន្ថែមពីរដ្ឋបាលខេត្តកំពង់ចាមនៅឡើយ។
គួរជម្រាបថា សួននេះ មានឈ្មោះថា សួនសន្តិភាព ដែលជាអំណោយរបស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ត្រូវបានសម្ភោធដាក់ឲ្យប្រើប្រាស់ជាផ្លូវការ នៅរសៀលថ្ងៃទី២០ ខែឧសភា ឆ្នាំ២០១៧នេះ។ សួននេះ ជានិមិត្តរូបនៃសន្តិភាព និងការអភិវឌ្ឍ ដែលតាំងពីថ្ងៃរំដោះ ៧ មករា ១៩៧៩ រហូតមកដល់បច្ចុប្បន្ន ប្រជាជនកម្ពុជាទាំងអស់ បាននិងកំពុងរីករាយជាមួយនឹងសមិទ្ធផលរូបវ័ន្ត និងអរូបវ័ន្តទាំងឡាយ ហើយនៅថ្ងៃនេះយើងឃើញសមិទ្ធផលសួនសន្តិភាពកំពង់ចាម ដែលលេចធ្លោដើម្បីផ្តល់ផាសុខភាពជូនប្រជាពលរដ្ឋទូទៅ ភ្ញៀវទេសចរណ៍ជាតិ និងអន្តរជាតិ។