- 2018-11-26 08:30:00
- ព័ត៌មាន
នារីខ្មែរម្នាក់ច្នៃធុងសំរាមពីសំបកកង់រថយន្តទទួលបានចំណូលផង និងជួយសង្គមផង
- 2018-11-26 08:30:00
- ចំនួនមតិ 0 | ចំនួនចែករំលែក 0
នារីខ្មែរម្នាក់ច្នៃធុងសំរាមពីសំបកកង់រថយន្តទទួលបានចំណូលផង និងជួយសង្គមផង
ចន្លោះមិនឃើញ
អ្នកនាង សឿង សុថារី ម្ចាស់សិប្បកម្មផលិតធុងសំរាមបរិស្ថាន កែច្នៃពីសំបកកង់រថយន្តចាស់ៗ បានចាប់យករបរនេះជិតដប់ឆ្នាំហើយគិតមកទល់ពេលនេះ។ ត្បិតថា ការងារនេះ មានការលំបាកច្រើន តែអ្នកនាងសប្បាយចិត្តនឹងធ្វើវាព្រោះនាងស្រលាញ់បរិស្ថាន និងទទួលបានចំណូលជាបង្គួរសម្រាប់ចិញ្ចឹមជីវិត។
ធុងសំរាមមួយសម្រាប់តម្លៃ ១សែន២ពាន់រៀល ហាក់ដូចជាថ្លៃបន្តិច។ មិនជំទាស់ថាថ្លៃ ម្ចាស់សិប្បកម្មនេះក៏យល់ឃើញថា វាថ្លៃជាងធុងសំរាមជ័រចេញពីរោងចក្រដូច្នេះដែរ តែអ្នកនាងបានពន្យល់ថា ធុងសំរាមកែច្នៃចេញពីសំបកកង់រថយន្តនេះ មានគុណសម្បត្តិ និងគុណភាពខ្ពស់ជាងធុងសំរាមជ័រ ឬកញ្ឆេរឫស្សីសឹងតែ១០ដងឯណោះ។ ចោរមិនលួច សត្វមិនហែកកកាយ មិនខ្លាចបែកបាក់ មានគម្របត្រឹមត្រូវ និងមានសណ្ដាប់ធ្នាប់។
សិប្បកម្មធុងបរិស្ថានមួយនេះ ក្រៅពីជួយកែច្នៃសំណល់រឹងឲ្យទៅជារបស់ប្រើការបានក្នុងការទុកដាក់សំរាមឲ្យមានសណ្ដាប់ធ្នាប់ និងអនាម័យនោះ វាបានដើរតួ ក្នុងការទាញប្រាក់ចំណូលដល់ប្រជាពលរដ្ឋនៅតាមមូលដ្ឋាន បន្ថែមពីការងារស្រែចម្ការប្រចាំថ្ងៃ។ កម្មករម្នាក់ៗអាចទទួលបានប្រាក់ចំណូល ៤ម៉ឺនរៀលដែរ ក្នុងមួយថ្ងៃ។
សព្វថ្ងៃសិប្បកម្មកែច្នៃសំបកកង់រថយន្តទៅជាធុងបរិស្ថានរបស់ អ្នកនាង សុថារី មានតែពីកន្លែងប៉ុណ្ណោះ មួយនៅស្រុកប្រាសាទបាគង ខេត្តសៀមរាប និងមួយកន្លែងទៀតនៅស្រុកព្រៃឈរ ខេត្តកំពង់ចាម។ អ្នកនាងក៏គ្រោងសាងសង់រោងសិប្បកម្មនេះមួយកន្លែងទៀត ដែលមានទីតាំងនៅជិតរាជធានីភ្នំពេញ ដើម្បីបំពេញតម្រូវការទីផ្សារ ដែលកំពុងកើនឡើង៕