- 2019-01-08 10:27:09
- សេដ្ឋកិច្ច
ក្រុមហ៊ុនធំមួយប្រកាសទិញស្វាយ១ថ្ងៃ ២០តោន កែច្នៃនាំចេញទៅក្រៅប្រទេស
- 2019-01-08 10:27:09
- ចំនួនមតិ 0 | ចំនួនចែករំលែក 0
ក្រុមហ៊ុនធំមួយប្រកាសទិញស្វាយ១ថ្ងៃ ២០តោន កែច្នៃនាំចេញទៅក្រៅប្រទេស
ចន្លោះមិនឃើញ
ក្រុមហ៊ុនក្នុងស្រុកមួយប្រកាសទិញផ្លែស្វាយស្វាយស្រស់ក្នុងដំណាក់កាលដំបូងប្រមាណ ២០តោនក្នុងមួយថ្ងៃ បន្ទាប់ពីបានស្នើសុំវិនិយោគបន្ថែមពីក្រុមប្រឹក្សាអភិវឌ្ឍន៍កម្ពុជាកាលពីថ្មីៗនេះ ដើម្បីកែច្នៃផ្លែឈើ ធ្វើដំណាប់ស្វាយ នាំចេញទៅទីផ្សារក្រៅប្រទេស ពិសេសប្រទេសចិន។
បច្ចុប្បន្នក្រុមហ៊ុនដែលមានឈ្មោះថា LBN Agriculture Co., Ltd បានប្រមូលទិញពីតំបន់នានាក្នុងខេត្តត្បូងឃ្មុំ កំពង់ចាម និងកំពង់ស្ពឺ។ ក្រៅពីដំណាប់ស្វាយ ក្រុមហ៊ុនក៏មានគម្រោងផលិតគ្រាប់ស្វាយចន្ទី និងដំណាប់ផ្លែក្រូចវល្លិ៍ (Passion Fruit) នៅជំហានបន្ទាប់ផងដែរ។
គម្រោងកែច្នៃផ្លែឈើបង្កើតជាដំណាប់ស្វាយនេះ បានបង្កើតការងារជូនប្រជាជននៅក្នុងមូលដ្ឋានប្រមាណ ៤០០នាក់ ដែលក្នុងនោះចំនួនប្រមាណ ៩០% ជាស្រ្តី។ គួរបន្ថែមថា គម្រោងនេះមានទីតាំងស្ថិតនៅតាមបណ្តោយផ្លូវជាតិលេខ៧ ភូមិបេង ឃុំដារ ស្រុកមេមត់ ខេត្តត្បូងឃ្មុំ ៕
