- 2019-01-22 02:49:55
- ព័ត៌មាន
រំជួលចិត្ត! ក្រុមគ្រូពេទ្យនាំគ្នាឈរជារបងកិត្តិយស មុនក្មេងស្រីចូលវះកាត់បរិច្ចាគសរីរាង្គ (វីដេអូ)
- 2019-01-22 02:49:55
- ចំនួនមតិ 0 | ចំនួនចែករំលែក 0
រំជួលចិត្ត! ក្រុមគ្រូពេទ្យនាំគ្នាឈរជារបងកិត្តិយស មុនក្មេងស្រីចូលវះកាត់បរិច្ចាគសរីរាង្គ (វីដេអូ)
ចន្លោះមិនឃើញ
វីដេអួដ៏គួរឲ្យរំជួលចិត្តមួយ បានបង្ហាញពីសកម្មភាពក្រុមគ្រូពេទ្យនាំគ្នាឈរជារបងកិត្តិយស មុនពេលដែលក្មេងស្រីម្នាក់ចូលវះកាត់សរីរាង្គ។
ក្មេងស្រី Alondra Torres Arias មកពីទីក្រុង Monterrey ប្រទេសម៉ិកស៊ីកូ បានទទួលរងការខូចខួរក្បាលដោយមានអាយុត្រឹម ១ឆ្នាំនិង ៧ខែប៉ុណ្ណោះ។ ឪពុកម្ដាយរបស់ក្មេងស្រី បានសម្រេចចិត្តបរិច្ចាគតម្រងនោម និងថ្លើមរបស់នាងឲ្យទៅក្មេងដទៃទៀត។ ក្រុមគ្រូពេទ្យ បានសម្ដែងការលាជាលើកចុងក្រោយដោយឈរជារបងកិត្តិយសគួរឲ្យរំជួលចិត្តបំផុត។ គ្រូពេទ្យខ្លះ បាននិយាយពាក្យអរគុណខណៈពេលដែលគ្រែរបស់ក្មេងស្រីត្រូវបានរុញមកជិតបន្ទប់វះកាត់។
ជាមួយគ្នាដែរ ម្ដាយរបស់ក្មេងស្រីបានបង្ហោះសារលាកូនស្រីក្នុងបណ្ដាញសង្គមខណៈដែលនាងបានស្លាប់ក្រោយការវះកាត់។ ស្ត្រីជាម្ដាយឲ្យដឹងដែរថា អ្នកស្រីត្រូវបានលួងលោមដោយដឹងថាអាចជួយក្មេង ៣នាក់ផ្សេងទៀតដោយសារសរីរាង្គរបស់កូនអ្នកស្រី៕
សូមទស្សនាវីដេអូខាងក្រោម ៖
