- 2019-02-14 08:43:02
- ព័ត៌មាន
ដឹងតែសប្បាយកប់ហើយ! មហោស្រពគីហ្សូណាឆ្នាំនេះ ប្រជុំកម្មវិធីពិសេសៗទាំងខ្មែរ និងជប៉ុន
- 2019-02-14 08:43:02
- ចំនួនមតិ 0 | ចំនួនចែករំលែក 0
ដឹងតែសប្បាយកប់ហើយ! មហោស្រពគីហ្សូណាឆ្នាំនេះ ប្រជុំកម្មវិធីពិសេសៗទាំងខ្មែរ និងជប៉ុន
ចន្លោះមិនឃើញ
មហោស្រពគីហ្សូណាប្រចាំឆ្នាំ២០១៩ បានវិលត្រឡប់មកសារជាថ្មីម្ដងទៀតហើយ ដែលឆ្នាំនេះនឹងមានកម្មវិធីកម្សាន្តសប្បាយៗ និងកម្មវិធីប្រពៃណី វប្បធម៌ដ៏សម្បូរបែបទាំងកម្ពុជា និងជប៉ុន។ មហោស្រពគីហ្សូណាជប៉ុន-កម្ពុជាលើកទី៨ នឹងប្រព្រឹត្តិទៅចាប់ពីថ្ងៃទី២១ ដល់ថ្ងៃទី២៤ ខែកុម្ភៈ ឆ្នាំ២០១៩ នៅCJCC។ ដូច្នេះកុំភ្លេចចូលរួមទាំងអស់គ្នា ដើម្បីទស្សនានូវទិដ្ឋភាពពិសេសៗជាច្រើន ដែលជួនកាលអ្នកទាំងអស់គ្នា មិនធ្លាប់ឃើញពីមុន។
មហោស្រពគីហ្សូណានេះ ត្រូវបានរៀបចំឡើងដោយស្ថានទូតជប៉ុន រួមសហការជាមួយមជ្ឈមណ្ឌលសហប្រតិបត្តិការកម្ពុជា-ជប៉ុន(CJCC) មជ្ឈមណ្ឌលអាស៊ីនៃមូលនិធិជប៉ុន។ អ្វីដែលពិសេសនោះ នៅឆ្នាំនេះព្រឹត្តិការណ៍ដ៏ធំនេះ បានធ្វើឡើងក្រោមប្រធានបទ «Experience Together»។ ក្រោមប្រធានបទនេះ នឹងនាំយកនូវបទពិសោធន៍ ឬសកម្មភាពជាច្រើនទៀត សម្រាប់អ្នកចូលរួម។
មហោស្រពនេះ នឹងមានកម្មវិធីជាច្រើនទៀតដូចជា ការគូរមុខបែបទម្រង់សិល្បៈលោ្ខនបាសាក់ សិក្ខាសាលា ស្តីពីការអភិរក្សសម្បត្តិបេតិកភណ្ឌពិភពលោកដោយក្រុមរដ្ឋាភិបាលជប៉ុនលើការថែរក្សាតំបន់អង្គរ សាកល្បងស្លៀក«ក្បិន»ខ្មែរ និងពាក់«យូកាតា»ជប៉ុន សាកល្បងពិធីលៀងតែជប៉ុន «សាដូ» សិល្បៈបត់ក្រដាស«អូរីហ្គាមី» តុបតែងផ្កា«អ៊ីកេបាណា» ការសរសេរអក្សរផ្ចង់ «ស្យូដូ» ជាដើម។ អ្វីដែលមិនគួររំលងនោះគឺ អ្នកចូលរួមទាំងអស់ពាក់អាវយឺតមក ដើម្បីងាយស្រួលចូលរួមសកម្មភាពទាំងនេះ៕
