- 2019-02-24 05:58:52
- ព័ត៌មាន
តុលាការឥណ្ឌាបណ្ដេញកុលសម្ព័ន្ធជិត១លាននាក់ពីលំនៅឋាន ព្រោះហេតុផលគួរឲ្យសរសើរ១
- 2019-02-24 05:58:52
- ចំនួនមតិ 0 | ចំនួនចែករំលែក 0
តុលាការឥណ្ឌាបណ្ដេញកុលសម្ព័ន្ធជិត១លាននាក់ពីលំនៅឋាន ព្រោះហេតុផលគួរឲ្យសរសើរ១
ចន្លោះមិនឃើញ
តុលាការកំពូលឥណ្ឌាបានបញ្ជាឱ្យមនុស្សជិត១ លាននាក់ ចាកចេញពីលំនៅឋានក្នុងព្រៃរបស់ពួកគេ បន្ទាប់ពីសកម្មជនបានចោទប្រកាន់ថាពួកគេបានគំរាមកំហែងដល់សត្វព្រៃ។ នេះបើតាម Dailymail ចុះផ្សាយកាលពីថ្ងៃសៅរ៍។
ប្រជាជនកុលសម្ព័ន្ធជាច្រើនត្រូវបានបណ្ដេញចេញដោយបង្ខំពីលំនៅឋានរបស់ខ្លួន ព្រោះតែមិនមានលិខិតបញ្ជាក់កម្មសិទ្ធិ ខណៈដែល ក្រុមសកម្មជនសិទ្ធមនុស្សបានរិះគន់សេចក្ដីសម្រេចដែលនឹងត្រូវអនុវត្តនៅប៉ុន្មានសប្ដាហ៍ខាងមុខនេះថាជា "ការកាតទោសប្រហារជីវិតមនុស្សរាប់លាននាក់" ។
វាបានកើតឡើងនៅពេលមានញត្តិមួយបានចោទប្រកាន់មនុស្សរាប់លាននាក់ ថាបានរំលោភបំពានដោយខុសច្បាប់លើតំបន់ការពារ និង គំរាមកំហែងសត្វព្រៃតាមរយៈការធ្វើកសិកម្ម និង ការកាប់ឆ្ការព្រៃឈើ។
តុលាការបានចេញដីកាសម្រេចរបស់ខ្លួននៅថ្ងៃទី ២០ ខែកុម្ភៈ ហើយបាននិយាយថាការបណ្ដេញចេញត្រូវតែអនុវត្តក្នុងរយៈពេល ៥ ខែ។
ច្បាប់ស្ដីពីសិទ្ធិព្រៃឈើរបស់ឥណ្ឌាអនុញ្ញាតឱ្យក្រុមកុលសម្ព័ន្ធរស់នៅលើដីព្រៃបាន លុះត្រាណាតែពួកគេបានកាន់កាប់ដីនោះបីជំនាន់ គិតមុនឆ្នាំ ២០០៥។
សេចក្ដីសម្រេចរបស់តុលាការនៅសប្ដាហ៍នេះ បានបញ្ជាឱ្យបណ្ដេញគ្រួសារដែលទាមទារការកាន់កាប់ដីធ្លី ហើយត្រូវបានបដិសេធដោយច្បាប់។
ប៉ុន្តែក្រុមកុលសម្ព័ន្ធបាននិយាយថាដីមួយចំនួនដែលត្រូវបានដកហូតដោយច្បាប់នេះ គឺជាដីដែលពួកគេបានធ្វើចម្ការអស់រាប់ជំនាន់ ហើយមិនត្រូវបានចាត់ទុកថាជាព្រៃទេ។
ក្រុមសកម្មជនកុលសម្ព័ន្ធបាននិយាយថា ការសម្រេចនេះ ត្រូវបានធ្វើឡើងដើម្បីការពារផលប្រយោជន៍ក្រុមហ៊ុន និង អ្នកអភិរក្សព្រៃឈើប៉ុណ្ណោះ។
កាសែត Times of India បានរាយការណ៍ថាក្រសួងកិច្ចការកុលសម្ព័ន្ធ នឹងជួបជាមួយមន្ត្រីមកពីរដ្ឋចំនួន ១៦ ក្នុងចំណោមរដ្ឋឥណ្ឌាចំនួន ២៩ ក្នុងពេលឆាប់ៗ ដើម្បីពិភាក្សាអំពីរបៀបដោះស្រាយបញ្ហាបណ្ដេញចេញ៕