- 2019-03-07 04:16:21
- សុខភាព
ពិសេស! ឃុំមួយក្នុងខេត្តកំពង់ឆ្នាំងនឹងទទួលបានរបៀបព្យាបាលជំងឺថ្មីតាមបច្ចេកវិទ្យាព័ត៌មាន
- 2019-03-07 04:16:21
- ចំនួនមតិ 0 | ចំនួនចែករំលែក 0
ពិសេស! ឃុំមួយក្នុងខេត្តកំពង់ឆ្នាំងនឹងទទួលបានរបៀបព្យាបាលជំងឺថ្មីតាមបច្ចេកវិទ្យាព័ត៌មាន
ចន្លោះមិនឃើញ
ក្រសួងប្រៃសនីយ៍ និងទូរគមនាគមន៍កំពុងពិភាក្សាស្ដីពីការដាក់ឲ្យដំណើរការសាកល្បងនៃដំណើរការធ្វើរោគវិនិច្ឆ័យ និងព្យាបាលអ្នកជំងឺពីចម្ងាយ ដែលហៅថា Telemedicine។
កាលពីម្សិលមិញនៅទីស្ដីការក្រសួង ឯឧត្តមរដ្ឋមន្ត្រី ត្រាំ អ៊ីវតឹក បានដឹកនាំកិច្ចពិភាក្សាស្ដីពីការដាក់ឲ្យដំណើរការសាកល្បង Telemedicine នៅក្នុងឃុំជៀប ស្រុកទឹកផុស ខេត្តកំពង់ឆ្នាំង។ នេះបើតាមការផ្សាយរបស់ក្រសួងនៅលើបណ្ដាញសង្គមហ្វេសប៊ុករបស់ខ្លួន។
គម្រោង Telemedicine គឺជាដំណើរការធ្វើរោគវិនិច្ឆ័យ និងព្យាបាលអ្នកជំងឺពីចម្ងាយតាមរយៈបច្ចេកវិទ្យាព័ត៌មាន ដោយមិនចាំបាច់មើលឃើញដោយផ្ទាល់។ នេះបើតាមប្រភពបដដែល។
ប្រភពខាងលើពន្យល់ថា វេជ្ជបណ្ឌិតអាចប្រើប្រាស់ការផ្សាយផ្ទាល់តាមរយៈវីដេអូ សំឡេង ឬសារបន្ទាន់ ដើម្បីដោះស្រាយការព្យាបាលអ្នកជំងឺ និងធ្វើរោគវិនិច្ឆ័យអ្នកជំងឺពីចម្ងាយបាន។
គោលបំណងសំខាន់ៗក្នុងការដាក់ឲ្យដំណើរការគម្រោងនេះគឺដើម្បីផ្ដល់ការគាំទ្រសុខភាពនៅទីជនបទដោយប្រើបច្ចេកវិទ្យាទំនើប និងផ្ដល់ភាពងាយស្រួល ឆាប់រហ័សដល់វេជ្ជបណ្ឌិតក្នុងតំបន់ ឬថ្នាក់ជាតិធ្វើការវិនិច្ឆ័យរោគពីចម្ងាយជាដើម៕
