- 2019-03-22 07:30:00
- ព័ត៌មាន
ជប៉ុនបង្ហាញពិធីលៀងតែ ដល់និស្សិតខ្មែរ ផ្សារភ្ជាប់ទំនាក់ទំនងវប្បធម៌នៃប្រទេសទាំងពីរ
- 2019-03-22 07:30:00
- ចំនួនមតិ 0 | ចំនួនចែករំលែក 0
ជប៉ុនបង្ហាញពិធីលៀងតែ ដល់និស្សិតខ្មែរ ផ្សារភ្ជាប់ទំនាក់ទំនងវប្បធម៌នៃប្រទេសទាំងពីរ
ចន្លោះមិនឃើញ
និស្សិតមកពីសាកលវិទ្យាល័យផ្សេងៗប្រមាណជា ជិត១០០នាក់ បានមកជួបជុំគ្នានៅស្ថានទូតជប៉ុនប្រចាំនៅកម្ពុជា ជាទីដែលជប៉ុនរៀបចំពិធីបង្ហាញប្រពៃណីរបស់ខ្លួនតាមរយៈពិធីលៀងតែ កាលពីព្រឹកថ្ងៃទី ២២ ខែមីនា ២០១៩នេះ។ ពិធីលាងតែជប៉ុន ឬជាភាសាជប៉ុន «ឆាណុយឺ» ដែលត្រូវបានស្គាល់ថា (ឆាដូ ឬសាដូ) គឺជាក្បួនខ្នាតនៃការឆុងម្សៅតែបៃតងសម្រាប់ទទួលភ្ញៀវ។
លោកជំទាវ Sabine Horinouchi ត្រូវជាភរិយារបស់ឯកអគ្គរដ្ឋទូតជប៉ុនប្រចាំនៅកម្ពុជា បានប្រាប់ក្រុមអ្នកសារព័ត៌មានថា ការអញ្ជើញអ្នកសារព័ត៌មាន និងនិស្សិតមកជួបជុំនៅពេលនេះ ក្នុងគោលបំណងផ្សព្វផ្សាយអំពីវប្បធម៌ប្រពៃណីជនជាតិជប៉ុន តាមរយៈពិធីលៀងតែ។ "និស្សិតដែលមកទីនេះភាគច្រើន គឺជាអ្នកបានរៀនភាសាជប៉ុន ហើយយើងចង់ឲ្យពួកគេ ស្វែងយល់ និងបានអនុវត្តន៍ផ្ទាល់ នៃការឆុងតែជប៉ុនផងដែរ"។
ពិធីលៀងតែខាងលើនេះ ដើមឡើយមានប្រវត្តិមកពីប្រទេសចិន ដែលបានជ្រៀតចូលនៅក្នុងប្រទេសជប៉ុននៅសតវត្សទី ៧ ប៉ុន្ដែក្រោយមកពិធីនេះបានបាត់បង់ រហូតដល់សតវត្សទី ១៥ ទើបពិធីឆុងតែនេះបានវិលត្រឡប់ម្ដងទៀតនៅប្រទេសជប៉ុន។ ប៉ុន្ដែរបៀបនៃការឆុងតែ ជប៉ុនបានផ្លាស់ប្ដូររបៀបមួយចំនួន នៃវប្បធម៌ចិន។ លោកជំទាវ Sabine Horinouchi មានប្រសាសន៍។
ផ្អែកតាមការចុះផ្សាយនៃឯកសារណែនាំរបស់ជប៉ុនបានឲ្យដឹងដែរថា ពិធីលៀងតែដែលពេញលេញតាមក្បួនខ្នាត ជាទូទៅចំណាយពេលយ៉ាងយូរបំផុតប្រហែល ៤ម៉ោង រួមទាំងការទទួលទាន (Chakaiseki) និងតែបៃតង២ដង (Koicha និង Usucha) ហើយស្របពេលនោះ ម្ចាស់ផ្ទះ បានធ្វើឲ្យភ្ញៀវទទួលបាននូវភាពរីករាយ និងអារម្មណ៍ប្រកបដោយសេចក្ដីស្ងប់។
ទោះបីជាគ្រប់ការព្យាយាមទាំងអស់ ធ្វើឡើងដើម្បីឲ្យអ្នកចូលរួមទទួលបានភាពរីករាយក៏ដោយ ក៏មិនអាចថា ក្បួនខ្នាតឆុងតែខាងលើនេះ ធ្វើការបណ្ដែតបណ្ដោយទៅតាមចំណង់ចំណូលចិត្តភ្ញៀវដែរ។ ជាក់ស្ដែង ពិធីនេះ ត្រូវបានបង្កើតឡើងដើម្បីឲ្យអ្នកចូលរួមយកចិត្តទុកដាក់អំពីគុណតម្លៃនៃសម្រស់ធម្មជាតិ ដូចជា ពន្លឺ សំឡេងទឹកហូរ និងអណ្ដាតភ្លើងអុស ឬធ្យូង ដែលទាំងអស់នេះមាននៅក្នុងពិធីលៀងតែ និងភាពអស្ចារ្យរបស់សាកលលោកដែលបង្ហាញដោយមនុស្ស ដូចជាវត្ថុសិប្បកម្មបង្កើតឡើងដោយស្នាដៃមនុស្ស។
ខាងក្រោមនេះ គឺជាសម្ភារៈសម្រាប់ឆុងតែ តាមពិធីលៀងតែជប៉ុន
តាមសៀវភៅណែនាំ ភ្ញៀវត្រូវយកក្រដាសមកដាក់នំផ្អែម នៅពេលពិសារ។ នំផ្អែមស្អិត ហើយដុំធំ គួរតែកាត់ជាចំណិតៗ រួចពិសារ ចំណែកនំស្ងួតតូចៗ យើងអាចពិសារដោយដៃផ្ទាល់បាន។