- 2019-05-31 02:03:01
- ព័ត៌មាន
សមត្ថកិច្ចបីនាក់រងរបួសធ្ងន់ស្រាល ដោយសារជនសង្ស័យមុខសញ្ញចោរឆក់ជិះម៉ូតូបុក
- 2019-05-31 02:03:01
- ចំនួនមតិ 0 | ចំនួនចែករំលែក 0
សមត្ថកិច្ចបីនាក់រងរបួសធ្ងន់ស្រាល ដោយសារជនសង្ស័យមុខសញ្ញចោរឆក់ជិះម៉ូតូបុក
ចន្លោះមិនឃើញ
ស្នងការដ្ឋាននគរបាលរាជធានីភ្នំពេញឲ្យដឹងថាសមត្ថកិច្ចខណ្ឌពោធិ៍សែនជ័យម្នាក់រងរបួសធ្ងន់ និងពីរនាក់ទៀតរងរបួសស្រាលខណៈប្រដេញមុខសញ្ញាជនសង្ស័យជាចោរឆក់នៅលើផ្លូវជាតិលេខ៤។
ទំព័រហ្វេសប៊ុករបស់ស្នងការដ្ឋាននគរបាលរាជធានីភ្នំពេញសរសេរនៅព្រឹកនេះថានៅវេលាម៉ោង៧យប់ថ្ងៃទី៣០ ខែឧសភា កងអន្តរាគមន៍ពិសេសខណ្ឌពោធិ៍សែនជ័យបានចុះល្បាតលើដងផ្លូវជាតិលេខបួន។ ប្រភពបន្តថាពេលនោះសមត្ថកិច្ចបានជួបមុខសញ្ញាជាជនសង្ស័យចោរឆក់ និងបានបោះដៃតាមវិទ្យុទាក់ទងដេញជនសង្ស័យខាងលើ។
ប្រភពឲ្យដឹងថាជនសង្ស័យមានគ្នាបួននាក់ជិះម៉ូតូពីរគ្រឿង និងត្រូវកម្លាំងសម្ថិកិច្ចប្រើពេលដេញប្រហែលមួយម៉ោង។ ពេលកំពុងដេញនោះ ជនសង្ស័យពីរនាក់បានជិញម៉ូតូបំបុកម៉ូតូសមត្ថកិច្ច បណ្ដាលឲ្យមន្ត្រីម្នាក់រងរបួសធ្ងន់ និងពីរនាក់រងរបួសស្រាល និងបញ្ជូនទៅសង្គ្រោះនៅមន្ទីរពេទ្យ។ ដោយឡែកជនសង្ស័យត្រូវបានឃាត់ខ្លួនដើម្បីសាកសួរបន្ត៕