/5d6c7b004c1f1_1567390440_medium.jpg)
- 2019-09-02 02:15:41
- ព័ត៌មាន
ណាសាគ្រោងបញ្ជូនឧទ្ធម្ភាគចក្រដំបូងបង្អស់ទៅភពអង្គារ ព្រោះហេតុផល១
- 2019-09-02 02:15:41
- ចំនួនមតិ 0 | ចំនួនចែករំលែក 0
ណាសាគ្រោងបញ្ជូនឧទ្ធម្ភាគចក្រដំបូងបង្អស់ទៅភពអង្គារ ព្រោះហេតុផល១
ចន្លោះមិនឃើញ
មុនពេលដែលមនុស្សអាចធ្វើដំណើរទៅកាន់ភពអង្គារបានយ៉ាងជោគជ័យ អង្គការណាសាគ្រោងនឹងបញ្ជូនឧទ្ធម្ភាគចក្រដំបូងគេបង្អស់ទៅកាន់ភពមួយនេះ។
យោងតាមសេចក្ដីថ្លែងការណ៍របស់ណាសាឲ្យដឹងថា ក្រុមវិស្វករបានបំពាក់ឧទ្ធម្ភាគចក្រដើរដោយថាមពលព្រះអាទិត្យភ្ជាប់ជាមួយនឹងយានយន្ដសម្រាប់រត់លើភពអង្គារ សម្រាប់ការបង្ហោះនារដូវក្ដៅឆ្នាំ ២០២០ខាងមុខ។ ប្រសិនបើការបង្ហោះ ទទួលបានជោគជ័យនោះឧទ្ធម្ភាគចក្រខាងលើ នឹងក្លាយជាយានដំបូងគេបង្អស់បង្កើតដោយមនុស្សដែលអាចបើកបរនៅភពផ្សេងបាន។ ឧទ្ធម្ភាគចក្រដែលគ្មានមនុស្សបើកនេះ នឹងធ្វើការផ្ដិតយករូបភាពនៅជម្រាលភ្នំ, រូងភ្នំ និងតំបន់ផ្សេងៗទៀតលើភពអង្គារដែលយានលើដីមិនអាចធ្វើដំណើរទៅដល់។
ជាមួយគ្នានេះ ណាសាសង្ឃឹមថាឧទ្ធម្ភាគចក្រ នឹងអាចជួយផ្លាស់ទីឧបករណ៍ចាំបាច់ផ្សេងៗលើភពអង្គារ និងនាំផ្លូវក្រុមអ្នកអវកាសមុនពេលដែលពួកគេអាចធ្វើដំណើរទៅទីនោះ៕
