- 2019-09-05 06:24:57
- ព័ត៌មាន
ញាក់សាច់! ផ្ទុះរោងចក្រផលិតផាវនៅឥណ្ឌា សម្លាប់យ៉ាងហោច ២៣នាក់
- 2019-09-05 06:24:57
- ចំនួនមតិ 0 | ចំនួនចែករំលែក 0
ញាក់សាច់! ផ្ទុះរោងចក្រផលិតផាវនៅឥណ្ឌា សម្លាប់យ៉ាងហោច ២៣នាក់
ចន្លោះមិនឃើញ
យ៉ាងហោចណាស់មនុស្ស ២៣នាក់ ត្រូវបានសម្លាប់និង ១៤នាក់ផ្សេងទៀតរងរបួសក្រោយពេលដែលរោងចក្រផលិតផាវមួយកន្លែងបានផ្ទុះនៅភាគខាងជើងប្រទេសឥណ្ឌាកាលពីថ្ងៃពុធកន្លងទៅ។
យោងតាមអាជ្ញាធរក្នុងតំបន់ឲ្យដឹងថា ហេតុការណ៍ដ៏គួរឲ្យរន្ធត់នេះ បានកើតឡើងនៅក្នុងទីក្រុង Gurdaspur ភាគខាងជើងនៃរដ្ឋ Punjab នៅក្នុងអគារនៃរោងចក្រផលិតផាវ។ ការផ្ទុះនេះ មានភាពខ្លាំងក្លាបំផុតដែលបណ្ដាលឲ្យអគារទាំងមូលបាក់ស្រុតចុះ និងបណ្ដាលឲ្យកញ្ចក់នៃអគារក្បែរខាងបែកបាក់ជាច្រើនផងដែរ។ កងកម្លាំងឆ្លើយតបនឹងគ្រោះមហន្ដរាយជាតិឥណ្ឌា ត្រូវបានដាក់ពង្រាយដើម្បីធ្វើការស្វែងរក និងជួយសង្គ្រោះជនរងគ្រោះចាប់ពីរសៀលរហូតដល់យប់។ ក្រៅពីនេះ អ្នកថ្មើរជើងជាច្រើននាក់ ដែលស្ថិតនៅក្បែរកន្លែងកើតហេតុក៏ទទួលរងរបួសផងដែរ។
ក្រោយកើតហេតុជនរងគ្រោះដែលបានរងរបួស ត្រូវបានបញ្ជូនទៅកាន់មន្ទីរពេទ្យដើម្បីសម្រាកព្យាបាលបន្ដ ខណៈពេលដែលប៉ូលិសកំពុងបើកការស៊ើបអង្កេតទ្រង់ទ្រាយធំពីមូលហេតុដែលបណ្ដាលឲ្យមានការផ្ទុះកើតឡើង ដោយសាររោងចក្រនេះដំណើរការដោយខុសច្បាប់៕