- 2019-10-14 02:37:45
- ព័ត៌មាន
ជប៉ុនចាប់ផ្ដើម បញ្ជូនកងទ័ពរាប់ម៉ឺននាក់ដើម្បីទៅជួយជនរងគ្រោះដោយសារព្យុះកំណាច
- 2019-10-14 02:37:45
- ចំនួនមតិ 0 | ចំនួនចែករំលែក 0
ជប៉ុនចាប់ផ្ដើម បញ្ជូនកងទ័ពរាប់ម៉ឺននាក់ដើម្បីទៅជួយជនរងគ្រោះដោយសារព្យុះកំណាច
ចន្លោះមិនឃើញ
រដ្ឋាភិបាលទីក្រុងតូក្យូ បានចាប់ផ្ដើមបញ្ជូនកងទ័ព និងក្រុមជួយសង្គ្រោះរាប់ម៉ឹននាក់ដើម្បីជួយជនរងគ្រោះដោយសារព្យុះកំណាចមិនធ្លាប់មានក្នុងមួយទសវត្សចុងក្រោយនេះ ដែលបណ្ដាលឲ្យមនុស្សយ៉ាងហោច ២៣នាក់ស្លាប់។
ព្យុះកំណាច Hagibis បានចាប់ផ្ដើមវាយប្រហារភាគខាងត្បូងទីក្រុងតូក្យូកាលពីថ្ងៃសៅរ៍កន្លងទៅ ហើយបន្ដឆ្ពោះទៅកាន់ទិសខាងជើង ដែលបណ្ដាលឲ្យមានទឹកជំនន់ធ្ងន់ធ្ងរនៅតំបន់ជាច្រើននៃទីក្រុង។ យោងតាមសារព័តមានក្នុងតំបន់ឲ្យដឹងថា មកទល់ពេលនេះ មនុស្ស ១៧នាក់បានបាត់ខ្លួន និង២៣នាក់បានស្លាប់។ ចំណែកឯនៅអាណាខេត្ត Nagano ទឹកបានជន់លិចស្ថានីយ៍រថភ្លើងល្បឿនលឿនដ៏ល្បីល្បាញរបស់ជប៉ុន ខណៈពេលដែលឧត្ថម្ភាគចក្រយោងជនរងគ្រោះចេញពីដំបូលផ្ទះ។
យោងតាមអាជ្ញាធរឲ្យដឹងថា កងទ័ពសរុប ២៧ ០០០ នាក់និងក្រុមអ្នកសង្គ្រោះផ្សេងទៀត ត្រូវបានបញ្ជូនទៅកាន់តំបន់រងគ្រោះ។ ជាមួយគ្នាដែរ នាយករដ្ឋមន្ត្រី Shizno Abe ឲ្យដឹងថារដ្ឋាភិបាលរបស់លោក នឹងព្យាយាមឲ្យអស់ពីលទ្ធភាព ហើយសន្យាថានឹងបញ្ជូនកងទ័ពបន្ថែមទៀតបើចាំបាច់។
យ៉ាងណាមិញ មកទល់ថ្ងៃនេះ ព្យុះកំណាចបានថមថយឥទ្ធិពលបន្ដិចហើយ និងកំពុងធ្វើដំណើរចេញពីដីគោកបណ្ដើរៗ៕