- 2019-11-04 07:07:29
- ព័ត៌មាន
រឿងបួនយ៉ាង អ្នកមិនចូលចិត្តអានគ្មានថ្ងៃដឹងទាក់ទងនឹងការអានសៀវភៅ
- 2019-11-04 07:07:29
- ចំនួនមតិ 0 | ចំនួនចែករំលែក 0
រឿងបួនយ៉ាង អ្នកមិនចូលចិត្តអានគ្មានថ្ងៃដឹងទាក់ទងនឹងការអានសៀវភៅ
ចន្លោះមិនឃើញ
ការអានសៀវភៅគឺមានអត្ថប្រយោជន៍ជាច្រើនដល់មនុស្ស ហើយអ្នកជោគជ័យទាំងឡាយសុទ្ធតែជាអ្នកអានសៀវភៅ។ ខាងក្រោមនេះជាហេតុផលបួនយ៉ាងបញ្ជាក់ថាការអានពិតជាមានសារៈសំខាន់ដល់មនុស្ស។
១. ការអានធ្វើឲ្យមនុស្សមានអាយុវែងជាអ្នកអត់អានសៀវភៅ។ ការអានសៀវភៅត្រូវបានក្រុមអ្នកស្រាវជ្រាវអះអាងថាជួយធ្វើឲ្យមនុស្សមានអាយុវែងជាងអ្នកមិនអានសៀវភៅរហូតដល់២៣ខែ។
២. អ្នកអានសៀវភៅទទួលចំណេះដឹងល្អជាងអ្នកអានលើឧបករណ៍អេឡិចត្រូនិចផ្សេងទៀត។ អ្នកស្រាវជ្រាវរកឃើញថាសិស្សដែលអានមេរៀនតាមសៀវភៅបានចំណេះដឹងច្រើនជាងសិស្សដែលអានឯកសារតាមប្រព័ន្ធអេឡិចត្រូនិច។ ក្រុមអ្នកស្រាវជ្រាវបានរកឃើញថាសិស្សដែលចូលចិត្តអានសៀវភៅបោះពុម្ពមានការចងចាំល្អ និងតែងរៀនបានពិន្ទុល្អជាងសិស្សដែលមើលមេរៀនតាមឧបករណ៍អេឡិចត្រូនិច។
៣. ការអានជួយសម្រួចចំណេះដឹងរបស់ក្មេងសម្រាប់ថ្ងៃអនាគត។ ក្មេងៗដែលចូលចិត្តអាន និងនៅផ្ទះមានសៀវភៅអានច្រើន នឹងជួយសម្រួចចំណេះដឹងខាងផ្នែកគិតលេខ អក្សរសាស្រ្ត និងបច្ចេកវិទ្យានៅពេលគេធំឡើង។
៤. ការអានជួយបង្វឹកខួរក្បាលឲ្យប្រឆាំងទៅនឹងជំងឺ។ ការអានទៀងទាត់បានជួយដល់ការបង្វឹកខួរក្បាលរបស់មនុស្សទៅនឹងជំងឺ។ ការលើកឡើងនេះចង់មានន័យថាពេលអានសៀវភៅអ្នកនឹងជួបនូវអ្វីថ្មីៗ ដែលធ្វើឲ្យខួរក្បាលរបស់អ្នកធ្វើការជាប្រចាំ និងប្រៀបដូចជាបានធ្វើឲ្យខួរក្បាលហ្វឹកហាត់ឲ្យរឹងមាំដូចនេះដែរ៕