- 2019-11-26 07:30:54
- ព័ត៌មាន
ឃើញសំណល់ប្លាស្ទិកច្រើនពេក និស្សិតឥណ្ឌាបែកគំនិតកែច្នៃជាសម្ភារៈសំណង់
- 2019-11-26 07:30:54
- ចំនួនមតិ 0 | ចំនួនចែករំលែក 0
ឃើញសំណល់ប្លាស្ទិកច្រើនពេក និស្សិតឥណ្ឌាបែកគំនិតកែច្នៃជាសម្ភារៈសំណង់
ចន្លោះមិនឃើញ
និស្សិតឥណ្ឌាមួយក្រុមសិក្សាផ្នែកវិស្វកម្មបានរួមគ្នាបង្កើតឥដ្ឋពីសំណល់ប្លាស្ទិកក្រោយពីមើលឃើញពីភាពលំបាកលំបិនបរស់កម្មករឡឥដ្ឋធម្មតា និងចង់ជួយការពារបរិស្ថានផង។
កាលពីឆ្នាំ២០១៦ ក្រុមនិស្សិតទាំងនេះបានធ្វើទស្សនកិច្ចសិក្សានៅកន្លែងផលិតឥដ្ឋមួយ និងបានឃើញពីភាពគ្រោះថ្នាក់ និងការងារលំបាករបស់កម្មករត្រូវប្រើកម្លាំងជីកដីឥដ្ឋដោយដៃជាដើម។
នៅប្រទេសឥណ្ឌាក្នុងមួយថ្ងៃមានសំណល់ប្លាស្ទិកប្រមាណជា២៥ ០០០តោនត្រូវគេបោះចោល ហើយប្រហែលជា៤០ភាគរយមិនត្រូវបានគេប្រមូលនោះទេ។
នៅឆ្នាំ២០១៧ និស្សិតទាំងនេះបានរួមគ្នាបង្កើតជាសហគ្រាសសង្គមមួយឈ្មោះថាQube ដោយយកសំណល់ប្លាស្ទិកផលិតជាឥដ្ឋ។ ក្រុមនិស្សិតទាំងនេះបានធ្វើការជាមួយក្រុមអ្នកប្រមូលសំរាម រួមមានដបទឹក និងថង់ប្លាស្ទិកជាដើម ដោយកាកសំណល់ទាំងនេះទៅលាងសម្អាត រួចកិន និងសង្កត់ឲ្យចេញជារូបរាងឥដ្ឋ។
តម្លៃឥដ្ឋធ្វើពីប្លាស្ទិកនេះមួយដុំប្រហែល០,០៨ដុល្លារ ខណៈឥដ្ឋធ្វើពីដីឥដ្ឋតម្លៃប្រហែល០,១៤ដុល្លារ។ តំណាងក្រុមនិស្សិតនិយាយាថា៖«យើងធ្វើអ្វីដើម្បីការប្រើប្រាស់ប្រកបដោយចីរភាព ហើយវាជាអ្វីដែលយើងផលិតចេញពីសំណល់ប្លាស្ទិក»។
