- 2019-12-12 03:06:50
- ព័ត៌មាន
មិនគួរឲ្យជឿ! រ៉ូបមួយរបស់ម្ចាស់ក្សត្រីអង់គ្លេស ត្រូវបានដាក់លក់ក្នុងតម្លៃជាង ៣០ម៉ឺនដុល្លារ
- 2019-12-12 03:06:50
- ចំនួនមតិ 0 | ចំនួនចែករំលែក 0
មិនគួរឲ្យជឿ! រ៉ូបមួយរបស់ម្ចាស់ក្សត្រីអង់គ្លេស ត្រូវបានដាក់លក់ក្នុងតម្លៃជាង ៣០ម៉ឺនដុល្លារ
ចន្លោះមិនឃើញ
រ៉ូបពណ៌ទឹកបិចសាច់កាម្ញីមួយដែលគ្រងដោយម្ចាស់ក្សត្រីអង់គ្លេស Diana រាំជាមួយតារាសម្ដែងដ៏ល្បី John Travolta ត្រូវបានលក់ហើយក្នុងតម្លៃ ៣៤៧ ០០០ដុល្លារកាលពីពេលថ្មីៗនេះ។
រ៉ូបនេះ ត្រូវបានផលិតឡើងដោយអ្នករចនាម៉ូត Victor Edelstein សម្រាប់កម្មវិធីមួយនៅសេតវិមានអាមេរិកកាលពីខែវិច្ឆិកាឆ្នាំ ១៩៨៥។ រូបថតរបស់ម្ចាស់ក្សត្រីរាំជាមួយតារាសម្ដែង ត្រូវបានល្បីល្បាញទូទាំងពិភពលោក។ រ៉ូបខាងលើនេះ ត្រូវបានទិញដោយអង្គការសប្បុរសធម៌ឯករាជ្យមួយឈ្មោះ Historic Royal Palaces (HRP) កាលពីថ្ងៃអង្គារ ក្រោយពេលរ៉ូបបរាជ័យក្នុងការដាក់ដេញថ្លៃកាលពីថ្ងៃចន្ទនៅកន្លែងដាក់ដេញថ្លៃ Kerry Taylor។ ដំបូងឡើយរ៉ូបនេះ ត្រូវបានគេរំពឹងថានឹងអាចលក់បានក្នុងតម្លៃប្រមាណជា ៣៨៨ ០០០ដុល្លារ ប៉ុន្តែនៅមិនមានការបកស្រាយណាមួយពីមូលហេតុដែលរ៉ូបនេះមិនត្រូវបានដេញថ្លៃនៅឡើយទេ។
យ៉ាងណាមិញ អ្នកទិញរ៉ូបខាងលើ បានបង្ហាញការសប្បាយចិត្តដោយសារវានឹងអាចបន្ដស្ថិតនៅក្នុងប្រទេសអង់គ្លេស ហើយលក្ខណៈពិសេសរបស់វាគឺ ការតំណាងឲ្យពេលវេលាដ៏សំខាន់នៃម៉ូតសំលៀកបំពាក់របស់រាជវង្សកាលពីសតវត្សទី ២០៕