- 2020-02-01 03:56:15
- សុខភាព
មិនធម្មតា រុស្ស៊ី កូរ៉េខាងជើង និង៣ប្រទេសទៀតបិទព្រំដែន ជាមួយចិន ព្រោះខ្លាច Corona
- 2020-02-01 03:56:15
- ចំនួនមតិ 0 | ចំនួនចែករំលែក 0
មិនធម្មតា រុស្ស៊ី កូរ៉េខាងជើង និង៣ប្រទេសទៀតបិទព្រំដែន ជាមួយចិន ព្រោះខ្លាច Corona
ចន្លោះមិនឃើញ
នៅត្រឹមថ្ងៃទី១ខែកុម្ភៈឆ្នាំ២០២០នេះ មេរោគ Corona បានសម្លាប់មនុស្សកើនឡើងដល់ ២៥៩នាក់ ចំណែកចំនួនអ្នកឆ្លងវីរុសនេះ បានកើនដល់ ១១៩៤៦នាក់។
អង្គការសុខភាពពិភពលោកបានប្រកាសអាសន្នចំពោះវីរុសនេះ កាលពីព្រឹកម្សិលមិញ ស្របពេលប្រទេសជាច្រើនទៀតក៏បានត្រៀមជម្លៀសប្រជាជនខ្លួនចេញពីក្រុង Wuhan ប្រទេសចិនផងដែរ។ មិនត្រឹមតែវិធានការជម្លៀសប្រជាជនទេ ប្រទេសចំនួន៥ហើយបានបិទព្រំដែន និងហាមជើងហោះហើររបស់ខ្លួនទៅមកប្រទេសចិន។ ក្នុងនោះ មានទាំងប្រទេសមិត្តជិតស្និទ្ធចិន គឺរុស្ស៊ី និងកូរ៉េខាងជើងផងដែរ។
ខណៈដែល៣ប្រទេសទៀតគឺ សហរដ្ឋអាមេរិក សិង្ហបុរី និងម៉ុងហ្គោលី។ អ៊ីតាលី និងអ៊ីស្រាអែល បានរំសាយជើងហោះហើរទាំងអស់របស់ខ្លួន ពីទឹកដីចិន ព្រោះខ្លាចឆ្លងជំងឺ Corona ដូចគ្នា។ ប្រជាជននៅ Wuhan ត្រូវបានហាមប្រាមមិនឱ្យចាកចេញទៅណានោះទេ ប្រសិនបើមិនមានការចាំបាច់ ឬប្រសិនបើទៅត្រូវពាក់ម៉ាស់ការពារខ្លួនឱ្យបានល្អ។ ប្រសិនបើមានអាការៈមិនស្រួលខ្លួន ត្រូវរាយការណ៍ទៅមន្ទីរពេទ្យភ្លាម៕