ជួយគេរហូត! ពេលនេះជប៉ុន រកឃើញអ្នកឆ្លងមេរោគ Corona ដល់៤៥នាក់ហើយ

2020-02-06 01:57:28
សុខភាព

2020-02-06 01:57:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ជប៉ុនបានរកឃើញអ្នកផ្ទុកមេរោគ Corona កើនឡើងដល់៤៥នាក់ហើយ ក្រោយពីកប៉ាល់ដែលពួកគេត្រួតពិនិត្យម្សិលមិញនេះ រកឃើញអ្នកផ្ទុកមេរោគជាបន្ដបន្ទាប់។

គិតត្រឹមថ្ងៃទី៦ខែកុម្ភៈឆ្នាំ២០២០នេះ អ្នកស្លាប់ដោយសារមេរោគ Corona បានកើនឡើងដល់៥៦០នាក់ហើយ ខណៈដែលមនុស្សជិត៣ម៉ឺននាក់កំពុងផ្ទុកមេរោគមួយនេះ។ ក្នុងចំនួនអ្នកផ្ទុកមេរោគទាំងអស់នោះដែរ គឺមានប្រទេសជប៉ុនឈរនៅលេខ២បន្ទាប់ពីចិន ដោយបច្ចុប្បន្ននេះជប៉ុនរកឃើញអ្នកផ្ទុកមេរោគដល់៤៥នាក់ហើយ។

ការកើនឡើងនៃចំនួនអ្នកផ្ទុកនៅជប៉ុននេះ គឺដោយសារតែពួកគេបានឃាត់និងត្រួតពិនិត្យកប៉ាល់មួយគ្រឿងដែលចូលចតនៅកំពង់ផែ Yokohama ។ កប៉ាល់នោះផ្ទុកមនុស្ស៣ ៧០០នាក់ ហើយជប៉ុនបានយកមនុស្ស៣០០នាក់មកពិនិត្យមើលដើម្បីស្វែងរកមេរោគ Corona ។ ចុងក្រោយ ប្រភពនៅជប៉ុនបានបញ្ជាក់ថាពួកគេរកឃើញមនុស្សផ្ទុកមេរោគ Corona មែន ដោយមានចំនួន១០នាក់បន្ថែមទៀតហើយ។ ខណៈដែលអ្នកផ្សេងទៀតលើកប៉ាល់បើទោះជាមិនមានផ្ទុកមេរោគមែន ប៉ុន្តែពួកគេនឹងត្រូវនៅលើកប៉ាល់នេះរយៈពេល១៤ថ្ងៃសិន ទើបអាចចុះបាន៕

ប្រភព៖ Channelnewsasia អត្ថបទ៖ ប្រុស យុទ្ធ