វៀតណាមទម្លាក់កញ្ចប់លុយជិត ២,៦ពាន់លានដុល្លារ ដើម្បីជួយពលរដ្ឋរងគ្រោះពី Covid-19

2020-04-13 04:41:02
សេដ្ឋកិច្ច

2020-04-13 04:41:02
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាលវៀតណាម បានអនុម័តកញ្ចប់លុយ ២,៦ពាន់លានដុល្លារដើម្បីជាការជ្រោមជ្រែងផ្នែកហិរញ្ញវត្ថុដល់ជនក្រីក្រ និងអាជីវកម្មទាំងឡាយណាដែលរងគ្រោះដោយសារ Covid-19។

កញ្ចប់ថវិកាដែលយល់ព្រមដោយនាយករដ្ឋមន្ត្រី Nguyen Xuan Phuc កាលពីថ្ងៃសុក្រនេះ បានសំដៅទៅប្រជាជន និងអាជីវកម្ម ៦ផ្នែកផ្សេងៗគ្នា។ សម្រាប់អ្នកដែលបាត់បង់ការងារដោយសារកូវីដ១៩ក្នុងរយៈពេល ១៤ថ្ងៃឬច្រើនជាងនេះ នឹងទទួលបានប្រាក់ ៧៧ដុល្លារក្នុងមួយខែ។ អ្នកធ្វើការក្រៅម៉ោងដែលបាត់បង់ការងារ នឹងទទួលបាន ៤៣ដុល្លារក្នុងមួយខែ។ ចំណែកឯគ្រួសារក្រីក្រ នឹងទទួលបាន ១០,៧ដុល្លារក្នុងមួយខែ ខណៈដែលអ្នកធ្លាប់មានប្រវត្តិបម្រើជាតិនឹងទទួលបាន ២១,៥ដុល្លារ។ សម្រាប់អាជីវកម្មគ្រួសារដែលមានចំណូលទាបជាង ៤ ៣០០ដុល្លារក្នុងមួយឆ្នាំ នឹងទទួលបានប្រាក់ជំនួយ ៤៣ដុល្លារក្នុងមួយខែ។

ចំណែកឯកញ្ចប់ថវិកាដែលនៅសេសសល់ជាង ១,៥៥ប៊ីលានដុល្លារនេះ នឹងត្រូវប្រគល់ជូនពលរដ្ឋដែលរងគ្រោះដោយសារកូវីដ១៩ក្នុងរយៈពេលយ៉ាងតិច ៣ខែរហូតដល់ខែមិថុនា។ ជាមួយគ្នា អាជីវកម្មទាំងឡាយណាដែលមានផលវិបាកខាងហិរញ្ញវត្ថុដោយសារកូវីដ១៩ នឹងត្រូវបានអនុញ្ញាតឲ្យខ្ចីលុយពីធនាគារវៀតណាមដោយមិនគិតការប្រាក់ក្នុងរយៈពេល ៣ខែផងដែរ៕

ប្រភព៖ vnexpress ប្រែសម្រួល៖ រ័ត្ន