- 2020-04-19 23:30:00
- ព័ត៌មាន
នាយករដ្ឋមន្ត្រីជប៉ុន ប្រកាសឲ្យធ្វើរឿងនេះបន្ថែមពីលើគម្លាតសង្គម ដើម្បីទប់ស្កាត់កូវីដ១៩
- 2020-04-19 23:30:00
- ចំនួនមតិ 0 | ចំនួនចែករំលែក 0
នាយករដ្ឋមន្ត្រីជប៉ុន ប្រកាសឲ្យធ្វើរឿងនេះបន្ថែមពីលើគម្លាតសង្គម ដើម្បីទប់ស្កាត់កូវីដ១៩
ចន្លោះមិនឃើញ
នាយករដ្ឋមន្ត្រីជប៉ុនលោក Shinzo Abe បានអះអាងថាការអនុវត្តគម្លាតសង្គមនៅតែមិនទាន់គ្រប់គ្រាន់នៅឡើយដើម្បីប្រយុទ្ធប្រឆាំងនឹងកូវីដ១៩ ស្របពេលដែលជប៉ុនបន្ដដាក់ប្រទេសក្នុងគ្រាអាសន្ន។
នៅក្នុងសុន្ទរកថាមួយនៅល្ងាចថ្ងៃសុក្រ លោក Abe បានស្នើឱ្យជនជាតិជប៉ុនស្នាក់នៅផ្ទះដើម្បី ការពារជីវិតនៅពេលមានការរីករាលដាលកាន់តែខ្លាំងក្នុងរដ្ឋធានីរបស់ប្រទេសនេះ។ លោកបាននិយាយថាស្ថានភាពនៅទីក្រុងតូក្យូ មានសភាពធ្ងន់ធ្ងរជាមួយនឹងការឆ្លងមេរោគ ដោយមានករណីថ្មីចំនួន ២០១ ក្នុងមួយថ្ងៃ ដែលបណ្ដាលឲ្យចំនួនសរុបនៅតូក្យូឡើងជិត ៣ ០០០នាក់។ លោកបានមានប្រសាសន៍ថា "បម្លាស់ទីរបស់ប្រជាជនពីទីក្រុងនានាទៅទីជនបទ ច្បាស់ណាស់នឹងបង្កឲ្យមានការរីករាលដាលនៃមេរោគនេះពាសពេញប្រទេសដែលយើងខ្លាចបំផុត” ។ ខ្ញុំសូមសំណូមពរអ្នកទាំងអស់គ្នាម្តងទៀតសូមមេត្តាកុំចេញទៅក្រៅ។”
គួរបញ្ជាក់ថា ការប្រកាសនេះត្រូវបានធ្វើឡើងស្របពេលដែលជប៉ុនបន្ដដាក់ប្រទេសក្នុងគ្រាអាសន្ន ដើម្បីកាត់បន្ថយការធ្វើដំណើររបស់ពលរដ្ឋអំឡុងពេលថ្ងៃឈប់សម្រាក "សប្ដាហ៍មាស” ដែលនឹងមកដល់នៅដើមខែឧសភានេះ។ មកទល់ពេលនេះ ជប៉ុនមានអ្នកឆ្លងវីរុសសរុប ១០ ៧៩៧នាក់ ក្នុងនាក់អ្នកស្លាប់មាន ២២២នាក់ ហើយព្យាបាលជាសះស្បើយ ១ ១៥៩នាក់៕