/5ec4735c7f800_1589932860_medium.jpg)
- 2020-05-20 00:02:26
- ព័ត៌មាន
វៀតណាមព្រួយបារម្ភរឿងផ្ទុះវីរុសជាថ្មី ក្រោយពលរដ្ឋជិត ៣០០នាក់ទើបត្រឡប់មកពីថៃ
- 2020-05-20 00:02:26
- ចំនួនមតិ 0 | ចំនួនចែករំលែក 0
វៀតណាមព្រួយបារម្ភរឿងផ្ទុះវីរុសជាថ្មី ក្រោយពលរដ្ឋជិត ៣០០នាក់ទើបត្រឡប់មកពីថៃ
ចន្លោះមិនឃើញ
ពលរដ្ឋវៀតណាមជិត ៣០០នាក់ដែលបានជាប់នៅប្រទេសថៃដោយសារកូវីដ១៩វាយប្រហារ បានធ្វើមាតុភូមិនិវត្តមកកាន់ប្រទេសវិញកាលពីថ្ងៃចន្ទកន្លងទៅ។
ជនជាតិវៀតណាមជិត ៣០០នាក់ បានធ្វើដំណើរតាមជើងហោះហើររបស់អាកាសចរវៀតណាមដែលរៀបចំដោយក្រសួងការបរទេសសហការជាមួយអាជ្ញាធរថៃ ហើយបានចុះចតនៅព្រលាន Noi Bai ទីក្រុងហាណូយកាលពីវេលាម៉ោង ៤ល្ងាចថ្ងៃចន្ទ។ អ្នកដែលត្រូវបានបញ្ជូនមកវិញរួមមានយុវជនវ័យ, និស្សិតដែលគ្មានកន្លែងស្នាក់នៅបន្ទាប់ពីសាលារៀនបិទទ្វារ, មនុស្សចាស់ជរា, មនុស្សដែលមានជំងឺ និងត្រូវការការព្យាបាលចាំបាច់ រួមទាំងទេសចរនៅក្នុងប្រទេសថៃ។ អ្នកដំណើរ ត្រូវចេញថ្លៃសំបុត្រយន្ដហោះរៀងៗខ្លួន។ វិធានការសុវត្ថិភាពទាំងអស់ត្រូវបានធ្វើឡើងក្នុងពេលហោះហើរ ដើម្បីការពារសុខភាពអ្នកដំណើរនិងការពារការរីករាលដាលនៃជំងឺ។
ប្រទេសវៀតណាមបានកត់ត្រាអ្នកឆ្លង Covid-១៩ ចំនួន ៣២៤ករណីរហូតមកដល់ពេលនេះដោយក្នុងនោះ ១៨៤ ករណីត្រូវបាននាំចូល។ ក្នុងចំណោមនោះ ២៦៣ នាក់ បានជាសះស្បើយឡើងវិញបន្ទាប់ពីការព្យាបាលហើយមិនមានអ្នកស្លាប់នោះទេនៅទូទាំងប្រទេស៕
