- 2020-05-28 08:12:46
- ព័ត៌មាន
ហាងមួយនៅអាមេរិក តុបតែងបង្កប់ខ្លឹមសាររើសអើងពូជសាសន៍នឹកស្មានមិនដល់
- 2020-05-28 08:12:46
- ចំនួនមតិ 0 | ចំនួនចែករំលែក 0
ហាងមួយនៅអាមេរិក តុបតែងបង្កប់ខ្លឹមសាររើសអើងពូជសាសន៍នឹកស្មានមិនដល់
ចន្លោះមិនឃើញ
ភោជនីយដ្ឋានមួយស្ថិតក្នុងរដ្ឋ St. Louis County របស់សហរដ្ឋអាមេរិកកំពុងរងការរិះគន់ក្រោយហាងនេះតុបតែងបង្កប់នូវខ្លឹមសាររើសអើងពូជសាសន៍លើជនជាតិអាស៊ី ពិសេសលើចិនស្ដែងៗតែម្ដង។
ហាងដែលមានឈ្មោះថា Camila’s Tex Mex មានទីតាំងស្ថិតនៅទីប្រជុំជន Eureka បានបើករកស៊ីធម្មតានៅអំឡុងការផ្ទុះមេរោគកូរ៉ូណាយ៉ាងគំហុកនៅអាមេរិក ប៉ុន្តែមានគេប្រទះឃើញការតុបតែងក្នុងហាងនេះមានខ្លឹមសាររើសអើងពូជសាសន៍ដែលមើលមួយភ្លែតសឹងមិនដឹង។
អតិថិជនម្នាក់បានថតផ្ដិតយករូបភាព ក្នុងហាងមានតុបតែងគោមដែលមានរាងមូលពណ៌បៃតងតំណាងឲ្យមេរោគកូវីដ ហើយនៅលើនោះមានក្បាលមនុស្សពាក់មួកដួន និងពុកមាត់វែងៗ សំដៅលើជនជាតិចិន។ ម្ចាស់ហាងទំនងជាចង់វាយប្រហារថាចិនគឺជាប្រភពនៃមេរោគកូវីដ ដែលនេះជាខ្លឹមសាររើសអើងពូជសាសន៍មួយដែលប្រទេសដូចជាអាមេរិកកំពុងទប់ស្កាត់។
គួរបញ្ជាក់ថាអាមេរិកជាប្រទេសតំណាងឲ្យប្រជាធិបតេយ្យ និងការគោរពសិទ្ធមនុស្ស ប៉ុន្តែការអនុវត្តជាក់ស្ដែងគឺមិនដូចអ្វីដែលច្បាប់បានចែងទេ។ ប្រជាជននៅទីនោះនៅតែមានការរើសអើងលើពួកស្បែកខ្មៅ និងអាស៊ី។ អំឡុងកូវីដនេះជនជាតិអាស៊ីជាច្រើនត្រូវរងអំពើហិង្សាវាយតប់ជាច្រើនករណីដោយត្រូវចោទថាជាជនជាតិនៃមេរោគកូវីដ៕