ចូលរួមប្រកួត Think!Think! World Cup អាចឈ្នះរង្វាន់ជាច្រើន រហូតដល់ ៦០០០ដុល្លារ សម្រាប់សិស្សថ្នាក់ទី១ ដល់ទី៦

2020-06-26 05:41:17
ព័ត៌មាន

2020-06-26 05:41:17
ចំនួនមតិ 0 | ចំនួនចែករំលែក 0

ចន្លោះមិនឃើញ

Think!Think! គឺជាកម្មវិធីអប់រំមួយដែលមានល្បែងល្បងប្រាជ្ញាជាច្រើន ដើម្បីជួយជំរុញឲ្យកុមារមានការអភិវឌ្ឍភាពវ័យឆ្លាតខាងបញ្ញា និងសមត្ថភាពដោះស្រាយបញ្ហា។ កម្មវិធីនេះមានអ្នកប្រើប្រាស់ជាង ១ លាននាក់ទូទាំងពិភពលោក និងទទួលបានពានរង្វាន់ដ៏ធំជាច្រើនដូចជា “Japan’s No.1 E-Learning App” និង “Google’s Best Kids App”។

កុមារី Alice ដែលបានប្រើកម្មវិធីនេះ បានចែករំលែកបទពិសោធន៍របស់ខ្លួនថា៖

"Think!Think! ធ្វើឲ្យខ្ញុំមានភាពរីករាយក្នុងការរៀន។ វាមិនគ្រាន់តែជាហ្គេមទេ តែជាកម្មវិធីសិក្សាជំនួយការគិតបែបជប៉ុន។ ខ្ញុំអាចរៀន និងបង្កើកជំនាញគិតទាំង ៥ របស់ខ្ញុំ ហើយវាសប្បាយទៀតផង។ ខ្ញុំក៏មានអារម្មណ៍រៀនអនឡាញច្រើនជាងមុន។ វាជាវិធីរៀនថ្មី និងស្ដង់ដាជប៉ុន ណែនាំដោយអង្គការ JICA ផងដែរ។ ឥឡូវខ្ញុំកាន់តែរំភើប និងសប្បាយចិត្ត ដោយសារមានការប្រកួត Think Think World Cup ដែលខ្ញុំអាចប្រកួតសាកល្បងការគិតរបស់ខ្ញុំ និងមានរង្វាន់ជាច្រើនថែមទៀតផង។"

ដូចដែលកុមារី Alice បានលើកឡើង ការប្រកួត Think Think World Cup ធ្វើឡើងចាប់ពីថ្ងៃទី២២ ដល់ថ្ងៃទី២៧ ខែមិថុនា ឆ្នាំ២០២០ នេះ ដោយរៀបចំឡើងដោយក្រសួងអប់រំ យុវជន និងកីឡា ភ្នាក់ងារសហប្រតិបត្តិការអន្តរជាតិជប៉ុន ហៅកាត់ JICA និងក្រុមហ៊ុន ThinkThink Cambodia។

សូមទស្សនាវីដេអូខាងក្រោម៖

ការចូលរួមប្រកួតប្រជែង គឺឥតគិតថ្លៃសម្រាប់សិស្សានុសិស្សនៅក្នុងប្រទេសកម្ពុជាទាំងអស់ ដែលសិក្សាចាប់ពីថ្នាក់ទី ១ ដល់ថ្នាក់ទី ៦។ ពួកគាត់គ្រាន់តែត្រូវការទូរស័ព្ទស្មាតហ្វូន ឬថេបប្លេត (tablet) ហើយទាញយកកម្មវិធី Think!Think! ដើម្បីធ្វើការហ្វឹកហាត់ និងចូលរួមប្រកួត។ ពួកគាត់ត្រូវការចំណាយពេលត្រឹមតែ ១០ ទៅ ១៥ នាទី ប៉ុណ្ណោះ ក្នុងការប្រកួត។ សម្រាប់អ្នកឈ្នះនឹងទទួលបានរង្វាន់ជាច្រើន ដែលមានតំលៃរហូតដល់ ៦០០០ ដុល្លារ ដែលទទួលបានការឧបត្ថម្ភធំពីក្រុមហ៊ុនស្មាត។

ការប្រកួតប្រជែង Think!Think! World Cup ធ្វើឡើងក្នុងគោលបំណងដើម្បីជំរុញកុមារកម្ពុជាឱ្យបន្តការរៀនសូត្រនៅផ្ទះ។ ផលពិបាកក្នុងការរៀនតាមអនឡាញ មិនមែនមានត្រឹមតែនៅក្នុងប្រទេសយើងប៉ុណ្ណោះទេ ក៏ប៉ុន្តែនៅជុំវិញពិភពលោកគឺសុទ្ធតែជួបប្រទះនូវផលពិបាកនេះដូចគ្នា។ ដើម្បីជំរុញឱ្យការរៀនសូត្រតាមរយៈប្រព័ន្ធអ៊ីនធឺណេតកាន់តែមានភាពងាយស្រួលឡើងបន្តិច ក្រុមហ៊ុន Hanamaru Lab បានផ្តល់ការបង្រៀនតាមអនឡាញដោយឥតគិតថ្លៃ ជាមួយកម្មវិធី Think!Think! តាមរយៈទំព័រហ្វេសប៊ុករបស់ MoEYS រួមជាមួយ JICA ។

មិនធ្លាប់បានលេង Think!Think! ពីមុនមក ប៉ុន្តែចង់ចូលរួមការប្រកួត? គ្មានបញ្ហានោះទេ! កម្មវិធីប្រកួតប្រជែងមានផ្តល់ជូនជាទម្រង់សម្រាប់ហ្វឹកហាត់សាកល្បង ដូច្នេះប្អូនៗកុមារដែលចូលរួមទាំងអស់អាចមានឱកាសដឹងថាតើមានប្រភេទសំណួរអ្វីខ្លះហើយសាកល្បងលេង មុនពេលចូលធ្វើការប្រកួតប្រជែងពិតប្រាកដ។

សាកល្បងសមត្ថភាពការគិតរបស់អ្នក ហើយត្រៀមខ្លួនឈ្នះរង្វាន់ដ៏មានតម្លៃជាច្រើន! សូមបំពេញពត៌មានចុះឈ្មោះតាមរយៈអនឡាញ ហើយរង់ចាំការឈ្នះរង្វាន់!